जळगाव : महावितरणच्या जळगाव परिमंडळातील जळगाव जिल्ह्यासह धुळे व नंदुरबार जिल्ह्यात वीज मीटरचा पुरेसा पुरवठा आहे. ग्राहकांनी नवीन वीज मीटरसाठी अर्ज केल्यानंतर, आठवडाभरातच नवीन वीज जोडणी देण्यात येत आहे. यासाठी वीज मीटरची कुठलीही टंचाई नसून, वीज मीटरचा पुरेसा वीजपुरवठा असल्याचे महावितरण प्रशासनातर्फे कळविण्यात आले आहे.
कोरोनामुळे पंढरपूरची बससेवा यंदा स्थगित राहण्याची शक्यता
जळगाव : कोरोनामुळे गेल्या वर्षी शासनाने पंढरपूर येथील आषाढी वारीचा यात्रोत्सव रद्द केला होता. तर यंदाही कोरोनामुळे शासनाने आषाढी वारीचा यात्रोत्सव रद्द ठेवून, मानाच्या दहा पालख्यांनाच पंढरपुरात येण्याची परवानगी दिली आहे. इतर भाविकांना मात्र पंढरपुरात येण्यास मनाई केली आहे. पंढरपूर येथील यात्रोत्सव यंदाही रद्द राहणार असल्यामुळे महामंडळाच्या जळगाव विभागातून पंढरपूर येथे यंदाही बससेवा स्थगित राहण्याची शक्यता असल्याचे महामंडळाच्या सूत्रांनी सांगितले.