ऑनलाईन लोकमत
मुक्ताईनगर, जि. जळगाव, दि. 05- दारुबंदी करण्यात यावी, या मागणीसाठी मुक्ताईनगर येथे शिवसेनेच्यावतीने तहसील कार्यालयावर भव्य मोर्चा काढण्यात आला. यामध्ये 8 ते 10 हजार महिलांनी धडक दिली. या वेळी दिलेल्या घोषणांनी शहर दणाणून निघाले होते. दारुबंदीसाठी महिलांकडून मागणी करण्यात येत असली तरी त्याकडे दुर्लक्ष होत असल्याने शुक्रवारी सकाळी 8 ते 10 हजार महिलांनी एकत्र येत मोर्चा काढला. नागेश्वर मंदिरापासून मोर्चाला सुरुवात होऊन तो तहसील कार्यालय परिसरात धडकला. या ठिकाणी मोर्चाचे सभेत रुपांतर झाले. मोर्चादरम्यान महिलांनी दिलेल्या घोषणांनी परिसर दणाणून निघाला होता.