शेंदुर्णी, ता. जामनेर : शेंदुर्णी येथे अग्रवाल समाजाची बैठक घेण्यात आली. त्यात प्रामुख्याने पाचोरा येथे दि. १२ सप्टेंबर रोजी होणाऱ्या राष्ट्रीय अग्रवाल समाज युवक-युवती परिचय संमेलन यशस्वी करण्याचा निर्धार करण्यात आला.
बैठकीच्या अध्यक्षस्थानी शेंदुर्णी अग्रवाल समाजाचे अध्यक्ष गोविंद अग्रवाल होते. मान्यवरांचा सत्कार पाचोरा पीपल्स बॅंकेचे माजी उपाध्यक्ष राजमल अग्रवाल यांनी केला. वधू-वर मेळाव्याचे अध्यक्ष मोहन अग्रवाल यांनी प्रास्ताविक केले. दि. १२ सप्टेंबर रोजी पाचोरा येथे रामदेव लॉनवर राष्ट्रीय परिचय संमेलन आयोजित करण्यात आले आहे.
यावेळी कैलास अग्रवाल, व्यापारी असोसिएशनचे अध्यक्ष अजय अग्रवाल, सुधीर अग्रवाल, राजेंद्र अग्रवाल, डॉ. नीलमकुमार अग्रवाल, दिनेश अग्रवाल, सीताराम अग्रवाल, अमित अग्रवाल, शुभम अग्रवाल, यश अग्रवाल आदी उपस्थित होते.