विनायक वाडेकर
मुक्ताईनगर जि. जळगाव : बस आणि चारचाकी वाहनाच्या अपघातात १२ प्रवासी जखमी झाले. ही घटना राष्ट्रीय महामार्ग क्र. सहावर हरताळा ता. मुक्ताईनगरजवळ गुरुवारी सायंकाळी पावणेसात वाजेच्या सुमारास घडली.
जळगाव येथून अकोलामार्गे मंगरूळपीरकडे जाणारी बस व चारचाकी वाहन यांच्यात हा अपघात झाला. यात संगीता मोहनलाल राठोड (३०, रा. धामणगाव ता. मुक्ताईनगर) ,पांडुरंग बोरसे (६०, रा. विटाळी ता.नांदुरा), प्रवीण पंडित वानखेडे (३५, रा. नांदुरा), अनिकेत संजय भोम्बे (२०), योगेश सतीश तायडे (२५), शेख हुसेन शेख (६०, तिघे रा. मुक्ताईनगर), भास्कर नीना बेलदार (६०, रा. मुंढोळदे ता. मुक्ताईनगर), जयमुद्दीन हाफिसुद्दीन (५८), सलीम उद्दीन हाफिज उद्दीन (६०, दोघे रा. जळगाव जामोद) , सीताबाई जगदेव नावकर (६५, रा. राजुरा), भाग्यश्री श्रीकृष्ण पाटील (२३), श्रीकृष्ण सोपान पाटील (३३, दोघे रा. कोथळी ता. मुक्ताईनगर) हे जखमी झाले आहेत. यापैकी गीता राठोड, सीताबाई नावकर, श्रीकृष्ण पाटील आणि भाग्यश्री पाटील या चार जणांना जळगाव येथे हलविण्यात आले आहे तर इतर जखमींवर मुक्ताईनगर येथील उपजिल्हा रुग्णालयात उपचार सुरु आहेत. आमदार चंद्रकांत पाटील व कार्यकर्त्यांनी घटनास्थळी मदतकार्य केले.