जालना : तालुक्यातील ८५ ग्रामपंचायतींच्या सरपंच, उपसरपंच निवडीचा कार्यक्रम प्रशासनाने जाहीर केला आहे. त्यासाठी पीठासीन अधिकारी नियुक्तीसह इतर प्रक्रिया सुरू आहे. निवडणुकीतील बहुमताने विजयी पॅनलच्या प्रमुखांनी सत्ता आपल्याच ताब्यात राहावी, यासाठी दक्षता घेत नियोजन केल्याचे दिसत आहे. तालुक्यातील सरपंच, उपसरपंच निवडीचा कार्यक्रम जाहीर झाला असून, १० फेब्रुवारी रोजी तालुक्यातील ४८ ग्रामपंचायतींच्या सरपंच, उपसरपंचांची निवडणूक झाली आहे. तर १२ फेब्रुवारीला शुक्रवारी उर्वरित ३७ ग्रामपंचायतींच्या सरपंच, उपसरपंच पदाची निवडणूक होणार आहे. १२ फेब्रुवारी रोजी दुधनाकाळेगाव, बठाण बुद्रूक, विरेगाव, माळशेंद्रा, कडवंची, वडगाव, बापकळ, सिरसवाडी, पोखरी शिंगाडे, घेटुळी उखळी, काकडा निपाणीपोखरी, नसडगाव पाथ्रुड, वरखेड, नेर, ममदाबाद, भिलपुरी खुर्द, मौजपुरी, वडीवाडी, वखारी, हिवरा रोषणगाव, सामनगाव, धांडेगाव, गुंडेवाडी, वंजारउमरद, पळसखेडा, तांदुळवाडी बुद्रूक, गोलापांगरी, पारेगाव, रेवगाव, माळेगाव खुर्द, सोमनाथ जळगाव, रोहनवाडी, बेथलम, कारला आणि चितळीपुतळी या ग्रामपंचायतींच्या सरपंच, उपसरपंचांची निवड होणार आहे.
गाव विकासाचे आव्हान
ग्रामीण भागात आजही बहुतांश समस्या असून, स्वच्छता, आरोग्य, बेरोजगारी आदी एक ना अनेक प्रश्न गावागावात आहेत. त्यामुळे नूतन पदाधिकाऱ्यांसमोर हे प्रश्न सोडविण्याचे आव्हान राहणार आहे. त्यात महिलांशी निगडित गावपातळीवरील समस्यांचाही डोंगर उभा आहे. त्यामुळे नूतन पदाधिकाऱ्यांसमोर या समस्या सोडविण्याचे आव्हान राहणार आहे.
या गावांत राहणार महिलाराज
लोंढ्याची वाडी, पाचनवडगाव, हिस्वन बुद्रूक, इस्लामवाडी, पोकळवडगाव, जामवाडी, कचरेवाडी, खरपुडी, दरेगाव, देवमुर्ती, तांदुळवाडी खुर्द, गोंदेगाव, मानेगाव जहागीर, जळगाव सोमनाथ, शिवणी, राठोडनगर, शंभूसावरगाव, हातवन, सेवली, धारकल्याण, वानडगाव, इंदेवाडी, बाजीउम्रद, निधोना, सिंधीकाळेगाव, बठाण बुद्रूक, कडवंची बापकळ, पोखरी शिंगाडे, घेटोळी उखळी, नसडगाव, वरखेड, नेर, वखारी, हिवरा रोषणगाव, वंजार उमरद, पळसखेडा, तांदुळवाडी बुद्रूक, गोलापांगरी, पारेगाव, माळेगाव खुर्द, सोमनाथ जळगाव, रोहनवाडी आणि कारला आदी गावांत महिलाराज असणार आहे.