जालना : जालना तालुक्यातील निधोना-जालना रस्ता अनेक वर्षांपासून खराब झाला असून, रस्त्यावर मोठ्या प्रमाणावर खड्डे पडले आहेत. त्यामुळे संतप्त झालेल्या ग्रामस्थांसह आम आदमी पार्टीच्या वतीने रस्त्यावरील खड्ड्यांमध्ये बेशरमाची झाडे लावून रविवारी निषेध केला आहे.
जालना-निधोना हा १० किलोमीटरचा रस्ता खराब झाला आहे. रस्त्यावर मोठमोठे खड्डे पडले आहेत. त्यामुळे रस्त्यावर अपघात होत आहे. या रस्त्याच्या दुरुस्तीबाबत अनेकवेळा जिल्हा प्रशासनाकडे निवेदन दिले. मात्र, प्रशासनाने दुर्लक्ष केले. त्यामुळे संतप्त ग्रामस्थांनी रविवारी बेशरमाची झाडे रस्त्यात लावून घोषणाबाजी केली.
यावेळी, आम आदमी पार्टीचे तालुकाध्यक्ष सुभाष बोर्डे, निधोना गावचे उपसरपंच गणेश सोनवणे, बाळू खरात, युवराज डासाळ, शेख अतिक, शेख अन्सर, विजय आदमाने आदींची उपस्थिती होती.