वीजपुरवठा पूर्ववत करा; अन्यथा आंदोलन करू
देळेगव्हाण : आघाडी शासन शेतकऱ्यांच्या मुळावर उठले असून, वीजपुरवठा खंडित केल्याने शेतकऱ्यांचे नुकसान होत आहे. नुकसान टाळण्यासाठी वीजपुरवठा पूर्ववत करावा, अशी मागणी जिल्हा परिषदेचे माजी सदस्य दत्तू पंडित यांनी केली आहे. वीजपुरवठा तत्काळ पूर्ववत न केल्यास तीव्र आंदोलन केले जाईल, असा इशाराही पंडित यांनी दिला आहे.
व्यापारी महासंघाच्या अध्यक्षपदी सोमाणी
टेंभुर्णी : येथील व्यापारी महासंघाच्या अध्यक्षपदी कल्पेश सोमाणी यांची निवड करण्यात आली आहे. व्यापारी महासंघाचे जिल्हाध्यक्ष हस्तीमल बंब यांच्या उपस्थितीत रविवारी झालेल्या बैठकीत ही निवड करण्यात आली. यावेळी पूर्वअध्यक्ष अलकेश सोमाणी यांची जिल्हा कार्यकारिणीवर नियुक्ती करण्यात आली. यावेळी जिल्हा व्यापारी महासंघाचे जगन्नाथ थोटे, विजयराज सुराणा, प्रदीप काबरा, सय्यद मोहियोद्दीन, शंकर धनवई, संजय बोडखे, रामेश्वर पन्हाळकर, शरद गायमुखे, अविनाश देशमाने, रामू बारगुडे आदींची उपस्थिती होती.
श्रीराम मंदिरासाठी निधीचे संकलन
बदनापूर : आयोध्या येथील श्री राममंदिर निर्माणासाठी शहरातील गिल्डा परिवाराच्या वतीने एक लाख ११ हजार ५१ रुपयांचा निधी देण्यात आला. यावेळी कीर्तनकार पंढरीनाथ महाराज तावरे, निधी संकलन अभियानचे ॲड. बालाजी वाघ, डॉ. रामेश्वर पाटील, भगवान मात्रे, सुरेशकुमार तापडिया, विजयकुमार मंत्री, कृष्णा कान्हेरे, तेजस गिल्डा यांच्यासह शहरातील नागरिकांची उपस्थिती होती.
अध्यक्षपदी सातोनकर, तर उपाध्यक्षपदी वाशिबे
परतूर : येथील व्यापारी महासंघाच्या अध्यक्षपदी राहुल सातोनकर यांची निवड करण्यात आली आहे. उपाध्यक्षपदी अनिल वाशिबे, महेश दहिवाल, सचिवपदी प्रवीण सोमाणी यांची निवड करण्यात आली. यावेळी जिल्हाध्यक्ष हस्तीमल बंब, जगन्नाथ थोटे, विजयराज सुराणा, अनिकेत नवल, बाळू चव्हाण, गणेश झरेकर, शेषराव वायाळ, लक्ष्मीकांत राऊत आदींची उपस्थिती होती.