शहरं
Join us  
Trending Stories
1
२०१४ मध्येच भाजपा शिवसेनेला हात दाखवणार होती,पण...; प्रफुल्ल पटेलांचा १० वर्षांनी गौप्यस्फोट
2
Russia Ukrain War : डोनाल्ड ट्रम्प युक्रेनचे दोन तुकडे करणार? क्रिमिया अन् दोन मोठी शहरे रशियाला मिळणार
3
तरुण वयात ₹१०० ची बचत वृद्धापकाळात देऊ शकते ३ कोटींची रक्कम; SIP मध्ये गुंतवणुकीसाठी वापरू शकता 'हा' फॉर्म्युला
4
आभाळ फाटले! मुखेड तालुक्यातील सहा गावांत पाणी शिरले; बेपत्ता १२ जणांचा शोध सुरु
5
Mumbai Rain Alert: मुंबईत रेड अलर्ट; तीन ते चार तासात 'अतिमुसळधार' कोसळणार, शाळांना सुट्टी जाहीर
6
परळी हादरलं! लग्नावरून परतताना जीप पुरात वाहून गेली; तिघे बचावले, एकाचा मृत्यू
7
School Holiday: मुंबईत शाळांना सुट्टी जाहीर, पाणी साचल्याने अनेक ठिकाणी वाहतूक ठप्प; ४८ तासांसाठी रेड अलर्ट जारी
8
Video: टोलनाक्यावरील कर्मचारी की गुंड; लष्कराच्या जवानावर तुटून पडले, खांबाला बांधून दांडक्याने मारले
9
चेकच्या मागच्या बाजूला सही का करतात? ९०% लोकांना या प्रश्नाचे उत्तर माहित नसणार
10
‘मत चोरी’चा वाद वाढला, विरोधक मुख्य निवडणूक आयुक्तांविरोधात महाभियोग प्रस्ताव आणण्याच्या तयारीत 
11
Technology: ATM मधून पैसे काढल्यानंतर तुमचा PIN सुरक्षित राहतो का? 'अशी' घ्या काळजी!
12
Asia Cup India Squad : गंभीरनं 'फिल्डिंग' लावली तर गिल खेळणार; नाहीतर... आगरकर हे ३ मोठे निर्णय घेणार?
13
धक्कादायक! रणथंभोर व्याघ्र प्रकल्पात पर्यटकांची गाडी अचानक पडली बंद आणि मग...
14
श्रावणातला शेवटचा आठवडा; 'या' दिशेला लावा बेलाचे झाड, घरात धन, समृद्धी, पैसा येईल अपार
15
"सिनेमाच्या नावाखाली अभिनेते मजा..." कमी वयाच्या अभिनेत्रींसोबत काम करण्यावर आर माधवनचं भाष्य
16
सतर्क राहा: कोकण, पश्चिम महाराष्ट्रात १८-१९ ऑगस्टला मुसळधार पाऊस; कुठे-कुठे 'रेड अलर्ट'?
17
अहिल्यानगरमध्ये फर्निचरच्या दुकानात अग्नितांडव; अख्खं कुटुंब संपलं, दोन चिमुकल्यांसह पाच जणांचा मृत्यू
18
भाडे देऊन लाखोंचे नुकसान की EMI देऊन घर खरेदी करावे? ५० लाखांच्या घराचं आर्थिक गणित समजून घ्या
19
फ्लॉप शोचा सिलसिला संपेना! अन् म्हणे; सलमानचा पाक संघ आशिया कपमध्ये टीम इंडियासमोर हिट ठरेल
20
Apple नं ट्रम्प आणि चीनला दाखवला ठेंगा; भारतात आणखी एका प्रकल्पातून सुरू केलं iPhone चं उत्पादन

अपहारप्रकरणी गुन्हे दाखल करण्याचे आदेश

By लोकमत न्यूज नेटवर्क | Updated: February 8, 2021 04:27 IST

देऊळगाव राजा : शासनाचा विविध विकासकामांतर्गत मिळालेल्या निधीत अनियमितता केल्याप्रकरणी तालुक्यातील निमगाव गुरू येथील तत्कालीन सरपंच, ग्रामसचिवावर फौजदारी गुन्हा ...

देऊळगाव राजा : शासनाचा विविध विकासकामांतर्गत मिळालेल्या निधीत अनियमितता केल्याप्रकरणी तालुक्यातील निमगाव गुरू येथील तत्कालीन सरपंच, ग्रामसचिवावर फौजदारी गुन्हा नोंदविण्यासंदर्भात बुलडाणा जिल्हा परिषदेच्या उपमुख्य कार्यकारी अधिकारी यांनी पंचायत समितीच्या विस्ताराधिकाऱ्यांना सूचना दिल्या होत्या. त्यानुसार, विस्ताराधिकाऱ्यांनी सरपंचांविरुद्ध तक्रार दिली असून, अधिकाऱ्यांबाबत वरिष्ठांकडे मार्गदर्शन मागविले आहे.

तालुक्यातील निमगाव गुरू येथील तत्कालीन सरपंच राधाबाई अनिल चित्ते व तत्कालीन ग्रामसेवक संतोष पी. मोरे यांनी संगनमताने विविध शासकीय निधीत अपहार केल्याबाबत, ग्रामपंचायत सदस्य परमेश्वर आत्माराम भालेराव यांनी गटविकास अधिकारी यांच्याकडे रीतसर तक्रार नोंदविली होती. तत्कालीन सरपंच व ग्रामसेवक यांनी शासनाच्या विविध विकासकामासाठी प्राप्त निधीत शौचालय बांधकाम, रंगमंच, आवार भिंत बांधणे, समाज मंदिर दुरुस्ती व बांधकाम, नाली दुरुस्ती व बांधकाम, अंगणवाडी साठी कपाट व इतर साहित्य खरेदी, एलईडी लाइट खरेदी, अंगणवाडीसाठी खेळणी खरेदी अशा विविध कामांत शासकीय निधीत अपहार केल्याचे तक्रारीत नमूद केले होते. या संदर्भात गटविकास अधिकारी यांच्यामार्फत नेमण्यात आलेल्या समितीने चौकशीअंती १ लाख ५७ हजार ८६५ रुपयांची आर्थिक अनियमितता झाल्याचा अहवाल दिला होता.

दरम्यानच्या काळात अनियमितता केल्याचे सिद्ध झाल्यावरही पंचायत समिती प्रशासन कारवाई करण्यास विलंब करीत असल्याने तक्रारदारांनी उपमुख्य कार्यकारी अधिकारी जिल्हा परिषद बुलडाणा यांच्याकडे तक्रार नोंदविली होती. त्यानुसार, २० नोव्हेंबर, २०२० रोजी एका पत्राद्वारे उपमुख्य कार्यकारी अधिकारी यांनी गटविकास अधिकारी यांना सदर अनियमिततेस जबाबदार व्यक्तीविरुद्ध पोलिसात फौजदारी गुन्हा नोंदविण्याचे निर्देश दिले. सदर आदेशाला तीन महिने उलटल्यानंतर गटविकास अधिकारी श्रीकृष्ण इंगळे यांनी विस्तार अधिकारी एस.ए. गडाख यांची एका पत्राद्वारे तक्रार देण्यास नेमणूक केली. यावरून तत्कालीन सरपंच राधाताई अनिल चित्ते व तत्कालीन ग्रामसेवक एस.पी. मोरे यांना लेखी पत्र देऊन चौकशी अहवालात नमूद मुद्द्यामधील अपहारित रक्कम समप्रमाणात प्रत्येकी ७८ हजार ९३३ रुपये ग्रामपंचायत निधीमध्ये जमा करून विनाविलंब अहवाल सादर करण्याचीची नोटीस बजावण्यात आली. दिलेल्या मुदतीत संबंधितांनी अपहारित रक्कम जमा न केल्याने, गत २७ जानेवारी रोजी पोलीस ठाण्यात सरपंच राधाबाई अनिल चित्ते यांच्याविरुद्ध फौजदारी गुन्हा नोंदविण्यासाठी विस्तार अधिकारी गडाख यांनी रीतसर लेखी तक्रार दाखल केली. त्याचप्रमाणे, ग्रामसचिव संतोष मोरे हे शासकीय कर्मचारी असल्याने, त्यांच्याविरुद्ध फौजदारी गुन्हा नोंदविण्याच्या प्रक्रियेकरिता जिल्हा परिषद प्रशासनाकडे पूर्वपरवानगी मागितली आहे.

विलंबास राजकीय दबाव कारणीभूत

एक वर्षापूर्वी सरपंच व ग्रामसेवक यांनी विकास कामाच्या निधीत अफरातफर केल्याची तक्रार करण्यात आली होती. सदर तक्रारीत तथ्य आहे, हे जिल्हा परिषद उपमुख्य कार्यकारी अधिकारी यांच्या मार्गदर्शनातील चौकशी समितीच्या अहवालावरून सिद्ध झाले. तीन महिन्यांपूर्वी उपमुख्य कार्यकारी अधिकारी यांनी संबंधितांविरुद्ध विनाविलंब पोलिसात फौजदारी गुन्हा नोंदविण्यात यावा, असे निर्देश गटविकास अधिकाऱ्यांना दिले होते. मात्र, राजकीय दबावापोटी तक्रार देण्यास उशीर झाल्याची तक्रार या प्रकरणातील तक्रारदाराने लेखी स्वरूपात केली आहे.