जालना : येथील सानेगुरूजी कथामाला पदाधिकाऱ्यांची शिक्षणतज्ज्ञ हेरंब कुलकर्णी यांच्या उपस्थितीत बैठक पार पडली. या बैठकीत विविध विषयांवर चर्चा करण्यात आली. यावेळी प्रतिमा कुलकर्णी, डॉ. सुहास सदाव्रते, उपाध्यक्ष प्रा. दिगंबर दाते, रामदास कुलकर्णी, बी. एम. सय्यद, मीनाक्षी देशमुख, अंबादास नन्नवरे आदी उपस्थित होते. पवन कुलकर्णी यांनी आभार मानले.
लायन्सच्या शिबिरात ४०० जणांची तपासणी
जालना : लायन्स क्लब आॅफ जालना व लायन्स आय हाॅस्पिटल यांच्यावतीने आयोजित रक्तदान शिबिरात ४०० जणांची नेत्रतपासणी करण्यात आली. यावेळी डॉ. श्रीमंत मिसाळ, डॉ. सचदेव, डॉ. पाकणीकर, डाॅ. गोयल, क्लबचे अध्यक्ष राजेश देवीदान, सचिव दिनेश लोहिया, राधेश्याम टिबडेवाल, अरूण मित्तल, गिरीश पाकणीकर, विजय दाड, अतुल लड्डा, शाम लोया, सतीश पित्ती, बळीराम बेंद्रे आदी उपस्थित होते.
घोरपडे यांची तालुका सरचिटणीसपदी निवड
बदनापूर : तालुक्यातील भराडखेडा येथील अनिल घोरपडे यांची भाजप अनुसूचित मोर्चा बदनापूर तालुका सरचिटणीसपदी निवड करण्यात आली आहे. यानिमित्त त्यांचा आमदार नारायण कुचे यांच्या हस्ते सत्कार करण्यात आला. यावेळी तालुकाध्यक्ष भीमराव भुजंग, पंचायत समिती सदस्य हरिश्चंद्र शिंदे, उपाध्यक्ष भगवान बारगाजे, अनिल कोलते आदी उपस्थित होते.
गोळेगाव येथील क्रिकेट स्पर्धेला प्रारंभ
परतूर : तालुक्यातील गोळेगाव येथे आयोजित क्रिकेट स्पर्धेचे उद्घाटन नितीन जेथलिया यांच्या हस्ते करण्यात आले. यावेळी काँग्रेसचे तालुकाध्यक्ष बाबासाहेब गाडगे, नगरसेवक बाबूराव हिवाळे, उपाध्यक्ष मंजुळदास सोळंके, सरपंच सादेक जहागीरदार, सचिन लिपणे, गोविंद वाशिंगे, पांडुरंग गाडगे, विकास झरेकर, मंजू देवकर आदी उपस्थित होते.