जाफराबाद : कोरोना काळात रस्ते निर्मनुष्य असताना ज्यांनी जनतेसाठी कोरोना योद्धा म्हणून महत्त्वाची भूमिका बजावली, त्या सर्वांचे कार्य सर्वांसाठी प्रेरणादायी असल्याचे प्रतिपादन तहसीलदार सतीश सोनी यांनी केले.
कोरोना काळात उल्लेखनीय काम करणाऱ्या २५० कोरोना योद्ध्यांचा युगंधर सामाजिक व कै.बापुराव कळंबे सांस्कृतिक प्रतिष्ठाण टेंभुर्णीच्या वतीने जाफराबाद येथे सत्कार करण्यात आला. तहसीलदार सतीश सोनी यांच्या अध्यक्षतेखाली आयोजित कार्यक्रमास सपोनि. अभिजीत मोरे, भाजप तालुका अध्यक्ष सुरेश दिवटे, राष्ट्रवादी काँग्रेसचे अध्यक्ष रामधन कळंबे, शिवसेना उपजिल्हा प्रमुख रमेश गव्हाड, सभापती दगडुबा गोरे, नगराध्यक्ष दीपक पाटील, संजय लहाने, बीओ जिनेंद्र काळे, तालुका आरोग्य अधिकरी पाडुरंग सोनटक्के, वैदकीय अधीक्षक बी.एम. पाटील, युवराज पोटरे, वाशीम जहागीरदार, प्रा.सिद्धार्थ पैठणे, मुजीब शेख, डॉ.मुकेश मोटे, फारुख कुरेशी यांची प्रमुख उपस्थिती होती.
सर्वसामान्यांच्या मदतीने जाफराबाद तालुक्यात आपण चांगले काम करू शकलो. संकट काळात सर्वांनी एकजूट होऊन प्रशासनाला सहकार्य केले. आलेल्या संकटाला न घाबरता, ताठ मानेने लढण्याची प्रेरणा दिली. हे कार्य जाफराबादच्या जनतेसाठी कायम प्रेरणादायी असेल, असे सोनी म्हणाले.
यावेळी सुरेश दिवटे, दगडुबा गोरे, अभिजीत मोरे, रामधन कळंबे, रमेश गव्हाड यांनी मनोगत व्यक्त केले. प्रास्ताविक प्रतिष्ठानचे अध्यक्ष विनोद कळंबे यांनी केले. सूत्रसंचालन ज्ञानेश्वर पाबळे यांनी तर आभार धनंजय मुळे यांनी मानले.
फोटो