राजूर : श्री गणेश जयंतीनिमित्त राजूर येथे आयोजित अखंड हरिनाम सप्ताह, ग्रंथराज ज्ञानेश्वरी पारायण सोहळा व श्रीराम कथेचा सोमवारी मंत्रोच्चाराच्या जयघोषात प्रारंभ झाला.
कलश पूजन प. पू. खडेश्वरीबाबा, गणेश देवा, एकनाथ महाराज टेपले, ग्रंथपूजन निर्मला दानवे, विणापूजन आमदर संतोष दानवे, दीपप्रज्वलन सरपंच भाऊसाहेब भुजंग, विश्वस्त साहेबराव भालेराव, जि. प. सदस्य कैलास पुंगळे, शिवाजी पुंगळे, सुधाकर दानवे यांच्या हस्ते करण्यात आले. श्री गणेश जयंतीनिमित्त यंदा कोरोना संकटाच्या पार्श्वभूमीवर मंदिराच्या पायथ्याशी एका सभागृहात मोजक्या भाविकांच्या उपस्थितीत सोहळ्याचे आयोजन करण्यात आले आहे. सोमवारी संत महंत व मान्यवरांच्या प्रमुख उपस्थितीत सोहळ्याला सुरुवात करण्यात आली. यावेळी के. आर. सोळंके, संस्थानचे विश्वस्त तथा उद्योगपती किशोर अग्रवाल व दिवंगत ह.भ.प. भगवान महाराज खरात यांना श्रद्धांजली अर्पण करण्यात आली. विष्णू महाराज सास्ते यांनी दिवंगत तिघांच्या कार्याचा उल्लेख केल्याने उपस्थितांना गहिवरून आले होते. याप्रसंगी आमदार संतोष दानवे, खडेश्वरी बाबा यांनी मनोगत व्यक्त केले. कार्यक्रमाला निर्मला दानवे, आमदार संतोष दानवे, खडेश्वरी बाबा, गणेश देवा, सुधाकर दानवे, जि. प. सदस्य कैलास पुंगळे, सरपंच भाऊसाहेब भुजंग, शिवाजी पुंगळे, आशा माळी, रामेश्वर सोनवणे, आशा पुंगळे, गजानन नागवे, ग्रामविकास अधिकारी जगन खैरे, गणेश साबळे, प्रशांत दानवे, विष्णू महाराज सास्ते, श्रीरामपंच पुंगळे, विष्णू राज्यकर, देवराव डवले, श्रीमंता पुंगळे, गजानन जामदार, ज्ञानेश्वर पुंगळे, भगवान नागवे, अण्णा कड, मंगेश जाधव, एकनाथ टेपले, पंढरीनाथ करपे, रतन ठोंबरे, आप्पासाहेब पुंगळे, शहाजी महाराज यांच्यासह भक्तांची उपस्थिती होती.
फोटो
राजुरेश्वर हरिनाम सोहळ्याचे दीपप्रज्वलन करताना निर्मला दानवे, आमदार संतोष दानवे, सरपंच भाऊसाहेब भुजंग, सुधाकर दानवे, शिवाजी पुंगळे आदी.