गजानन महाराज प्रगट दिन उत्साहात साजरा
घनसावंगी : घनसावंगी तालुक्यातील गुंज बुद्रूक परिसरात संत गजानन महाराज यांचा प्रगट दिन उत्साहात साजरा करण्यात आला. प्रगट दिनानिमित्त शुक्रवारी विविध धार्मिक कार्यक्रम घेण्यात आले. यानिमित्त गावातून पालखी, दिंडी मिरवणूक काढण्यात आली. तसेच मंदिरात पूजा, अभिषेक, प्रसाद आदी धार्मिक कार्यक्रम घेण्यात आले. यावेळी भाविकांची उपस्थिती होती.
पारडगावात फरदड कापसाला चांगला भाव
पारडगाव : घनसावंगी तालुक्यातील पारडगाव परिसरातील व्यापारी आता फरदड कापूस खरेदी करीत आहेत. यापूर्वी कापसाला दर कमी असल्याने अनेकांनी कापूस विक्री केला नव्हता. परंतु, बाजारपेठेत आता व्यापारी कापसाला चांगला दर देऊन खरेदी करीत आहेत. त्यामुळे शेतकऱ्यांनी फरदड कापूस विक्रीस काढला आहे. पारडगाव व परिसरातील व्यापाऱ्यांकडे अनेक शेतकरी कापूस विक्रीसाठी आणत आहेत.