अर्थमंत्र्यांच्या नावाने बनावट फेसबुक अकाऊंट

पक्षात स्वत:ची वेगळी ओळख व अर्थमंत्र्यांशी जवळचे संबंध असल्याचे दाखविण्यासाठी त्यांच्या नावाने बनावट फेसबुक अकाऊंट तयार करून त्यावर स्वत:च पोस्ट टाकण्याचा प्रकार जालन्यात उघडकीस आला आहे

लोकमत न्यूज नेटवर्कजालना : पक्षात स्वत:ची वेगळी ओळख व अर्थमंत्र्यांशी जवळचे संबंध असल्याचे दाखविण्यासाठी त्यांच्या नावाने बनावट फेसबुक अकाऊंट तयार करून त्यावर स्वत:च पोस्ट टाकण्याचा प्रकार जालन्यात उघडकीस आला आहे. या प्रकरणी येथील सायबर पोलीस ठाण्यात मंगळवारी गुन्हा दाखल करण्यात आला असून, संशयित तरुणाला पोलिसांनी अटक केली आहे.स्वप्नील सुनील अग्रवाल (रा.कादराबाद ) असे संशयित तरुणाचे नाव असून, तो भारतीय जनता पार्टीचा कार्यकर्ता आहे. याबाबत वरिष्ठ पातळीवरून तक्रार प्राप्त झाल्यानंतर त्यास अटक करण्यात आली आहे. स्वत:च्या प्रसिद्धीसाठी तो या अकाऊंटचा वापर करत असल्याचे समोर आले आहे.