कोठावळे यांचा सत्कार
अंबड : येथील मत्स्योदरी महाविद्यालयातील प्रा. चंद्रसेन कोठावळे यांना डॉ. बाबासाहेब आंबेडकर विद्यापीठाने पीएच.डी पदवी प्रदान केली आहे. याबद्दल त्यांचा पालकमंत्री टोपे यांच्या हस्ते सत्कार करण्यात आला.
अभिवादन कार्यक्रम
परतूर : येथील योगानंद विद्यालयात आयोजित कार्यक्रमात संत गाडगेबाबा यांच्या प्रतिमेचे पूजन करून अभिवादन करण्यात आले. कार्यक्रमास भारत डाके, दिगांबर लिपणे, संतोष सोळंके, सूर्यकांत बुरांडे आदींची उपस्थिती होती.
व्याख्यानमाला स्थगित
जालना : शहरात दोन दिवसीय संत गुरू रविदास महाराज व्याख्यानमाला आयोजित करण्यात आली होती. या व्याख्यानमालेस कोरोनाच्या पार्श्वभूमीवर स्थगिती देण्यात आल्याची माहिती आयोजकांकडून देण्यात आली.
हरडे यांचा सत्कार
जालना : शहरातील जेईएस महाविद्यालयातील प्रा. सतीश हरडे यांना पीएच.डी. पदवी मिळाली आहे. याबद्दल प्रशासकीय अधिकारी डॉ. जवाहर काबरा, प्राचार्य डॉ. एस. बी. बजाज यांनी त्यांचा सत्कार केला.