शहरं
Join us  
Trending Stories
1
सर्वपक्षीय शिष्टमंडळातील समावेशामुळे काँग्रेस नाराज, आता शशी थरूर स्पष्टच बोलले, म्हणाले...  
2
"आम्ही अणुबॉम्बच्या धमकीला भीक घालत नाही, पाकिस्तानला १०० किमी आत घुसून मारलं’’, अमित शाहांचा टोला
3
IPL 2025 : गत चॅम्पियन कोलकाता नाईट रायडर्स OUT! 'विराट' शक्ती प्रदर्शनासह RCB टॉपला; पण...
4
"पुतीन यांच्याशी थेट बोलणार, रशिया आणि युक्रेनमधील भीषण युद्ध थांबवणार’’, ट्रम्प यांचं मोठं विधान
5
"पाकिस्तान म्हणजे मानवतेला धोका", ओवेसींचे रोखठोक विधान; म्हणाले- 'आता भारताने..."
6
Pune: पुण्यात १५ वर्षीय मुलीला सर्पदंश, वेळेत उपचार न मिळाल्याने मृत्यू
7
"आपल्याजवळ शक्ती असेल तर जग प्रेमाची भाषाही ऐकतं’’, सरसंघचालक मोहन भागवत यांचं मोठं विधान 
8
IPL 2025 : मोहीम फत्ते! 'दर्दी' चाहत्यांनी विराटसाठी व्हाइट जर्सीत केली गर्दी
9
बीसीसीआयकडून सचिन तेंडुलकरला मोठा सन्मान, मुंबई मुख्यालयात दिसणार 'एसआरटी १००' नावाचा बोर्ड रूम
10
ज्योती मल्होत्रा ​​कोण आहे? पाकिस्तानसाठी हेरगिरी केल्याच्या आरोपाखाली झाली अटक
11
दर्यापूरचे सराफा दुकान फोडणारी आंतरराज्यीय टोळी अटकेत
12
पाच बायका, शाहबाज शरीफ यांची लव्ह स्टोरी ऐका, चुलत बहिणीशी केलं पहिलं लग्न, त्यानंतर...
13
नातेवाईकावर अंत्यसंस्कार करून आंघोळीसाठी नदीत उरतले, बाप-लेकासह तिघांचा बुडून मृत्यू
14
अलिशान स्पोर्ट्स कारवरील स्क्रॅच बघून संतापला रोहित शर्मा; भावावर असा काढला राग (VIDEO)
15
INDvENG: श्रेयस अय्यरला टीम इंडियात न घेण्याचं BCCIने दिलं 'टुकार' कारण, ऐकून तुम्हालाही येईल राग
16
अनाथ मुलीला दत्तक घेऊन वाढवलं, तिनेच आईला संपवलं; इन्स्टाग्रामने उलगडलं हत्येचं गूढ
17
दिल्लीत 'आप'ला मोठा धक्का; १५ नगरसेवकांनी दिला राजीनामा, नवा पक्ष स्थापन करण्याची घोषणा
18
Astro Tips: जे पुरुष घरात झाडूने साफसफाई करतात, ते झटपट श्रीमंत होतात; कसे ते पहा!
19
नालासोपाऱ्यात मेफेड्रोन ड्रग्सचा कारखाना उद्ध्वस्त, तुळींज पोलिसांची प्रगतीनगर परिसरात कारवाई
20
Virat Kohli: विराट कोहलीची जर्सी खरेदी करण्यासाठी चिन्नास्वामी स्टेडियमबाहेर चाहत्यांची झुंबड, व्हिडीओ होतोय व्हायरल!

आज १२ हजार ३३२ उमेदवारांचा फैसला

By लोकमत न्यूज नेटवर्क | Updated: January 18, 2021 04:28 IST

ग्रामपंचायत निवडणूक ; नऊ वाजेपासून मतमोजणीला सुरुवात जालना : जिल्ह्यातील ४४६ ग्रामपंचायतींसाठी निवडणूक रिंगणात असलेल्या १२ हजार ३२२ उमेदवारांचा ...

ग्रामपंचायत निवडणूक ; नऊ वाजेपासून मतमोजणीला सुरुवात

जालना : जिल्ह्यातील ४४६ ग्रामपंचायतींसाठी निवडणूक रिंगणात असलेल्या १२ हजार ३२२ उमेदवारांचा सोमवारी फैसला होणार आहे. सकाळी नऊ वाजेपासून मतदानाला सुरुवात होणार आहे. मतमोजणीसाठी जवळपास ८०० अधिकारी व कर्मचाऱ्यांची नियुक्ती करण्यात आली आहे.

जिल्ह्यातील ४७५ ग्रामपंचायतींची मुदत नोव्हेंबर-डिसेंबरमध्ये संपली होती. ४७५ पैकी २६ ग्रामपंचायतींची बिनविरोध निवडणूक झाली तर ४७८ सदस्य बिनविरोध निवडून आले आहेत. ४४६ ग्रामपंचायतींच्या ३,६५३ जागांसाठी शुक्रवारी मतदान झाले. १,४७९ मतदान केंद्रांवर मतदान प्रक्रिया सुरळीत पार पडली. सकाळपासूनच नागरिकांनी मतदान केंद्रांवर रांगा लावल्या होत्या. यंदा ग्रामपंचायत निवडणुकीत मतदानाचा टक्का वाढला आहे. जिल्ह्यात ८२.३२ टक्के मतदान झाले आहे. सोमवारी ग्रामपंचायत निवडणुकीचा निकाल जाहीर होणार आहे. यासाठी प्रशासनाने तालुकास्तरावर नियोजन केले आहे.

औद्याेगिक प्रशिक्षण केंद्र जालना, कै. भगवंतराव गाढे मंगल कार्यालय भोकरदन, तहसील परिसर मंठा, तहसील कार्यालय बदनापूर, जवाहर नवोदय विद्यालय आंबा, औद्याेगिक प्रशिक्षण संस्था घनसावंगी, तहसील कार्यालय जाफराबाद तर अंबड येथील तहसील कार्यालयात सकाळी नऊ वाजेपासून मतमोजणीला सुरुवात होईल. कोरोनाच्या पार्श्वभूमीवर असलेल्या सर्व नियमांचे पालन करण्याच्या सूचना देण्यात आल्या आहेत. उमेदवारांनी नियमांचे पालन करावे, असे आवाहन प्रशासनाच्या वतीने करण्यात आले आहे. दरम्यान, अंबड येथे १५ टेबलवर मतमोजणी होणार आहे. मतमोजणी सुरळीत पार पडण्यासाठी ७०० पोलीस कर्मचारी, ४०० होमगार्ड व एक एसआरपीएफची कंपनी तैनात करण्यात आली आहे.

जालन्यात १४ टेबल, २१ फेऱ्या

जालना : तालुक्यातील ८६ ग्रामपंचायतींसाठी १४३१ उमेदवार रिंगणात आहेत. जालना शहरातील औद्योगिक प्रशिक्षण केंद्रात १४ टेबलवर मतमोजणीला सुरुवात होईल. प्रशासनाने नियोजन केले असून, २१ फेऱ्यात मतमोजणी होईल. तालुक्यातील चार ग्रामपंचायती बिनविरोध झाल्या आहेत. कडवंची, भाटेपुरी, खरपुडी, देवमूर्ती, रामनगर, कारला, बाजीउम्रद, पिरकल्याण आणि जळगाव या ग्रामपंचायतींच्या निकालाकडे सर्वांचे लक्ष लागले आहे.

टेंभुर्णी ग्रामपंचायतीकडे लक्ष

जाफराबाद : जाफराबाद तालुक्यातील १६ ग्रामपंचायतींसाठी सोमवारी सकाळी मतमोजणी सुरू होईल. मतमोजणीसाठी निवडणूक विभागाने नऊ टेबलची व्यवस्था केली आहे. प्रत्येक टेबलवर तीन कर्मचारी मतमोजणीचे काम करणार आहेत. आठव्या फेरीपर्यंत सर्व निकाल जाहीर केले जाणार आहेत. यावेळी निवडणूक निर्णय अधिकारी तथा तहसीलदार सतीश सोनी, नायब तहसीलदार केशव डकले यांची उपस्थिती राहणार आहे. कोरोनाच्या पार्श्वभूमीवर उपाययोजना केल्या जाणार आहेत.

९०१ उमेदवारातून ३९० सदस्य ठरणार

मंठा : तालुक्यातील ५० ग्रामपंचायतींसाठी सकाळी नऊ वाजता तहसील परिसरात मतमोजणीला सुरुवात होईल. ९०१ उमेदवारातून ३९० सदस्य निवडले जाणार आहेत. मतमोजणीसाठी १५ टेबल ठेवण्यात आले आहेत. ८५ अधिकारी व कर्मचाऱ्यांची नियुक्ती करण्यात आल्याची माहिती निवडणूक विभागाचे गणेश खराबे यांनी दिली.

भोकरदन येथे १७ टेबलवर मतमोजणी

भोकरदन : तालुक्यातील ८६ ग्रामपंचायतींच्या मतमोजणीसाठी निवडणूक विभाग सज्ज झाला असून, १७ टेबलवर मतमोजणी केली जाणार आहे. यासाठी १७ सुपरवायझर व ५१ कर्मचाऱ्यांची नेमणूक करण्यात आल्याची माहिती तहसीलदार संतोष गोरड यांनी दिली. ७५४ जागांसाठी १ हजार ६६२ उमेदवार निवडणूक रिंगणात आहेत.

परतुरात १३ फेऱ्या, दहा टेबलवर मतमोजणी

परतूर : तालुक्यातील ३८ ग्रामपंचायतींच्या मतमोजणीसाठी दहा टेबल लावण्यात आले असून, १३ फेऱ्यात ही मतमोजणी पार पडणार आहे. सकाळी ९ वाजता जवाहर नवोदय विद्यालय आंबा येथे मतमोजणी होणार आहे. यासाठी ६६ अधिकारी व कर्मचाऱ्यांची नियुक्ती करण्यात आली आहे.

बदनापूर येथे ४३१ जागांसाठी मतमोजणी

बदनापूर : तालुक्यातील ५४ ग्रामपंचायतींसाठी सकाळी ९ वाजेच्या सुमारास मतमोजणीस सुरुवात होईल. १ हजार १९ उमेदवार रिंगणात असून, २० टेबलवर मतमोजणी होणार आहे. यासाठी १०० अधिकारी व कर्मचाऱ्यांची नियुक्ती करण्यात आली आहे.

या ग्रामपंचायतींकडे लक्ष

जिल्ह्यातील टेंभुर्णी, तीर्थपुरी, वालसावंगी, पिंपळगाव रेणुकाई, धावडा, पारध, जळगाव सपकाळ, केदारखेडा, हसनाबाद, सिपोरा बाजार, आन्वा, वाकडी, वाटूर, आंबा, सातोना खु, पाटोदा, आखणी, खुराड सावंगी, भाटेपुरी, कडवंची, कडवंची, भाटेपुरी, खरपुडी, देवमूर्ती, रामनगर, कारला, बाजीउम्रद, पिरकल्याण, जळगाव, बाजार गेवराई, केळीगव्हाण, दाभाडी, पाथरवाला आदी ग्रामपंचायतींच्या निकालाकडे सर्वांचे लक्ष लागले आहे.