बरंजळा लोखंडे ग्रामपंचायतीच्या ९ जागांसाठी झालेल्या निवडणुकीत पॅनलप्रमुख बालाजी लोखंडे यांच्या भाजप पुरस्कृत जय हनुमान ग्रामविकास पॅनलमधील सात सदस्य विजयी झाले होते. त्यानंतर शुक्रवारी सरपंच, उपसरपंच निवडीसाठी विशेष बैठक घेण्यात आली. यात सरपंचपदासाठी सुमनबाई गोठवाल व उपसरपंचपदी पंखाबाई लोखंडे यांचे एकमेव अर्ज आले. त्यामुळे या निवडी बिनविरोध जाहीर करण्यात आल्या. दोन्ही पदासाठी पंढरीनाथ सुखदेव लोंखडे, हिरालाल भावसिंग जावळे, राधाबाई भाऊसाहेब लोंखडे, रुख्मनबाई दामोधर लोंखडे, हौसाबाई प्रभाकर लोंखडे आदी सदस्यांनी मतदान केले. नवनिर्वाचित पदाधिकाऱ्यांचा सत्कार करण्यात आला. निवडीनंतर समर्थकांनी फटाक्याची आतषबाजी, गुलालाची उधळण करीत जल्लोष केला. यावेळी ग्रामस्थांची उपस्थिती होती.
चौकट
कादोलीच्या सरपंचपदी गिरणारे
केदारखेडा : भोकरदन तालुक्यातील कादोली ग्रामपंचायतीच्या सरपंचपदी स्वाती गिरणारे तर उपसरपंचपदी माधवराव गिरणारे यांची निवड करण्यात आली आहे. ग्रामपंचायत निवडणुकीत पॅनलप्रमुख भगवान गिरणारे यांनी धुरा सांभाळली होती. निवडीनंतर नूतन पदाधिकाऱ्यांचा सत्कार करण्यात आला.
चौकट
उपसरपंचपदी वराडे
केदारखेडा : भोकरदन तालुक्यातील नळणी खुर्द ग्रामपंचायतीच्या उपसरपंचपदी भाजपचे भास्कर वराडे यांची निवड करण्यात आली आहे. निवडणुकीत गजानन वराडे यांनी धुरा सांभाळली होती. एकूण ९ सदस्यापैकी ३ सदस्यांची बिनविरोध निवड झाली होती. त्यात नवनिर्वाचित उपसरपंच भास्कर वराडे यांच्यासह सचिन वराडे, शेख मोसिन आदींचा समावेश आहे. तर ६ सदस्यांच्या झालेल्या निवडणुकीत गणेश देठे, रमेश वराडे, भागुबाई वराडे, मिनाबाई वाकोदकर, वंदना देठे हे विजयी झाले होते.