ऑनलाइन लोकमत
पेनसिलवेनिया, दि. १८ - विवाहबाहय संबंध ठेवणा-या पत्नीला पकडण्यासाठी अमेरिकेत एका माणसाने ड्रोन कॅमे-याचा वापर केला. जॉन जी असे या माणसाचे नाव असून, उत्तर पेनसिलवेनियामध्ये रहाणा-या या इसमाने ड्रोन कॅमे-याने चित्रीकरण करुन पत्नीचे विवाहबाहयसंबंध असल्याचा दावा केला आहे.
जॉनला पत्नीचे विवाहबाहय संबंध असल्याचा संशय आल्यानंतर त्याने पत्नीच्या ऑफीसच्या मार्गाचे ड्रोन कॅमे-याने चित्रीकरण केले. जॉनची पत्नी डोना घरातून निघाल्यानंतर ऑफीसच्या मार्गाने जात असताना पार्कींग लॉटच्या दिशेने गेली.
डोना जिथे थांबली होती तिथे काळया रंगाची एक एसयूव्ही गाडी आली. डोना गाडीच्या दिशेने गेली दोघांमध्ये काही संवाद झाला. पण जॉनच्या म्हणण्यानुसार पत्नीने गाडीमध्ये बसलेल्या माणसाचे चुंबन घेतले. त्यानंतर डोना दुस-याबाजूने पुढच्या सीटवर जाऊन बसली.
हे व्हिडीओ फुटेजपाहून मी पार उद्धवस्त झालो आहे. मला पत्नीच्या प्रियकराला संपवण्याची इच्छा होत आहे असे निराश झालेल्या जॉनने सांगितले. जॉनने घटस्फोटासाठी न्यायालयात अर्ज केला असून त्यांचा १८ वर्षांचा संसार संपुष्टात आला. जॉन आणि डोनाला दोन मुले आहेत. पुरावा म्हणून मिळवलेला हा व्हिडीओ जॉनने नंतर युटबवर अपलोड केला.