ऑनलाइन लोकमत
लाहोर, दि. 23 - पाकिस्तानच्या लाहोरमध्ये बॉम्बस्फोट झाल्याचं वृत्त आहे. लाहोरच्या संरक्षण क्षेत्रातील परिसरात हा स्फोट झाला असून यामध्ये 8 जणांचा मृत्यू झाला.
पाकिस्तानी माध्यमांनी दिलेल्या वृत्तानुसार, या स्फोटात 8 जणांचा मृत्यू तर 20 जण जखमी आहेत. घटनास्थळावर बचावकार्याला सुरूवात झाली असून जखमींना जवळच्या रूग्णालयात हलवण्यात आलं आहे.
या स्फोटात 4 कार आणि 12 मोटारसायकलचंही नुकसान झालं आहे. गेल्या काही दिवसांपासून पाकिस्तानमध्ये दहशतवादी हल्ले होत आहेत.