ऑनलाइन लोकमत -
रोम (इटली), दि. 20 - प्रसिद्ध इटालियन लेखक अम्बेर्टो इको यांचं निधन झालं आहे. ते 84 वर्षाचे होते. इटालियन वृत्तपत्र ला रिपब्लिकाने आपल्या वेबसाईटवर दिलेल्या माहितीनुसार शुक्रवारी रात्री 9 वाजून 30 मिनिटांनी त्यांनी अखेरचा श्वास घेतला.
अम्बेर्टो इको गेल्या काही दिवसांपासून कॅन्सरमुळे त्रस्त होते. अम्बेर्टो इको यांची ‘द नेम ऑफ द रोज' ही कादंबरी खुप गाजली होती. अम्बेर्टो इको त्यांनी लिहिलेल्या कादंब-यांसाठी ते नेहमीच वाचकांच्या आठवणीत राहतील.
त्यांनी लिहिलेल्या ‘फाउकॉल्ट्स पेन्डुलम', ‘द आइलँड ऑफ द डे बिफोर', ‘बाउदोलिनो' आणि ‘द प्राग सेमेटरी' या कादंब-या खुपच लोकप्रिय झाल्या. मात्र त्यांनी लिहिलेली ‘द नेम ऑफ द रोज' या कादंबरीने त्यांना आंतरराष्ट्रीय स्तरावर ओळख मिळवून दिली. ‘द नेम ऑफ द रोज' या कादंबरीच्या लाखो प्रती विकल्या गेल्या. याच कादंबरीवर आधारीत 1986मध्ये चित्रपटदेखील बनवण्यात आला होता.