इस्रायलने केलेल्या हल्ल्यांतील मृतांची संख्या २५वर

इस्रायलने केलेल्या हल्ल्यात सोळा जण ठार झाल्याचे वैद्यकीय अधिकाऱ्यांनी आधी सांगितले होते. त्यानंतर आणखी काही मृतदेह हाती लागले.

देर अल्-बालाह : इस्रायलने गाझा पट्टी व लेबनाॅनमध्ये केलेल्या हल्ल्यांमध्ये मृत्यू झालेल्यांची संख्या २५ वर पोहोचली आहे. त्यामध्ये पाच मुलांचा समावेश आहे. यापैकी  १३ जणांचा मृत्यू लेबनाॅनमध्ये झाला आहे. गुरुवारी व शुक्रवारी हे हल्ले करण्यात आले हाेते.  इस्रायलने केलेल्या हल्ल्यात सोळा जण ठार झाल्याचे वैद्यकीय अधिकाऱ्यांनी आधी सांगितले होते. त्यानंतर आणखी काही मृतदेह हाती लागले. इस्रायलच्या हल्ल्यात १८ महिन्यांची बालिका व तिची १० वर्षे वयाची बहीण या दोघी ठार झाल्या. त्यांचे वडील इस्रायलच्या माऱ्यात चार महिन्यांपूर्वी मरण पावले होते. शुक्रवारी झुवैदा येथे एक मोटरसायकल व देर-अल-बालाह येथे एका घराला इस्रायली लष्कराने लक्ष्य केले. त्यात चार जण ठार झाले. या हल्ल्यांसंदर्भात प्रसारित झालेल्या वृत्तांबाबत इस्रायलने कोणतीही प्रतिक्रिया व्यक्त केलेली नाही. (वृत्तसंस्था)