ऑनलाइन लोकमत
इस्लामाबाद,दि.7 - पाकिस्तानमधील रावळपिंडीला जाणा-या जफर एक्स्प्रेसमध्ये भीषण बॉम्बस्फोट झाल्याची माहिती समोर येत आहे. पाकिस्तानमधील प्रसार माध्यमांच्या वृत्तानुसार, या स्फोटात 4 जणांचा मृत्यू झाला आहे, तर 13 जण जखमी झाले आहेत. बलुचिस्तान प्रांतातील माच गावाजवळ हा बॉम्बस्फोट झाल्याचे पाकिस्तान रेल्वे प्रशासनाचे अधिकारी तौफील अहमद यांनी सांगितले आहे. दरम्यान, जखमींना हॉस्पिटलमध्ये दाखल करण्यात आले आहे. जखमींमधील काही जणांची प्रकृती गंभीर असल्याचेही अहमद यांनी सांगितले.
4 dead and 13 injured after blast in Rawalpindi-bound Jaffer Express train in Bolan: Pakistan media— ANI (@ANI_news) October 7, 2016