वॉशिंग्टन : शाळेत गोळीबाराची आणखी एक घटना अमेरिकेमध्ये घडली. विद्याथ्र्याने शाळेच्या कॅन्टीनमध्ये केलेल्या गोळीबारात एक विद्यार्थिनी ठार, तर इतर चार जखमी झाले. हल्ल्यानंतर हल्लेखोर विद्याथ्र्याने स्वत:लाही गोळी मारून आत्महत्या केली.
वॉशिंग्टन राज्यातील सिएटलपासून 55 कि.मी.वर असलेल्या मेरीसविले-पिलचूक हायस्कूलमध्ये ही घटना घडली. जायलेन फ्रायबर्ग असे हल्लेखोर विद्याथ्र्याचे नाव असून त्याची अलीकडेच शाळेचा राजकुमार म्हणून निवड झाली होती. जायलेन याने स्वत:वर गोळी झाडून आत्महत्या केली, असे पोलिसांनी सांगितले.
कॅन्टीनमधून गोळीबाराला सुरुवात झाली, असे पोलीस सूत्रंनी सांगितले. स्वत:वर गोळी झाडण्यापूर्वी जायलेनने एका विद्यार्थिनीची हत्या केली, तर दोन विद्यार्थिनी व दोन विद्याथ्र्याना जखमी केले. जखमींना नजीकच्या रुग्णालयात दाखल करण्यात आले आहे. (वृत्तसंस्था)