‘वधू’सह तिच्या मुलीचाही केला स्वीकार

विवाह म्हणजे एका नव्या नात्याची, नव्या आयुष्याची सुुरुवात. एकमेकांना आयुष्यभर साथ देण्याचे वचन यानिमित्ताने दिले जाते;

न्यूयॉर्क : विवाह म्हणजे एका नव्या नात्याची, नव्या आयुष्याची सुुरुवात. एकमेकांना आयुष्यभर साथ देण्याचे वचन यानिमित्ताने दिले जाते; पण अमेरिकेतील या विवाहात या वराने वधूला जे वचन दिले ते ऐकून आणि तो प्रसंग पाहून उपस्थितांच्या डोळ्यांच्या कडा पाणावल्या. त्याचे झाले असे की, ब्रॉयन (२७) आणि व्हिटनी हे एकमेकांच्या प्रेमात पडले आणि त्यांनी लग्न करण्याचा निर्णय घेतला; पण मॉडेल म्हणून काम करणाऱ्या व्हिटनी हिला पहिल्या लग्नानंतर एक मुलगी झालेली आहे. तिचा सांभाळ कसा आणि कोण करणार? याची काळजी तिला होती; मात्र ब्रॉयनने आपल्या मनाचा मोठेपणा दाखविला आणि ऐन लग्नाच्या वेळी शेकडो वऱ्हाडींच्या साक्षीने या मुलीला म्हणजे ब्रिएले हिला विश्वासात घेत सांगितले की, मी तुला आयुष्यभर आनंदात ठेवू इच्छितो. तुझे संरक्षण करील आणि कायम तुझ्यावर प्रेम करील. मी माझ्या वर्तवणुकीतून सर्वांना हे दाखवून देईल की, एका पुरुषाने एका स्त्रीशी कसे वागले पाहिजे. ब्रॉयनचे हे संवाद ऐकून उपस्थितांना अक्षरश: रडू कोसळले. त्यानंतर व्हिटनीने आपल्या पतीबाबत बोलताना सांगितले की, ब्रॉयन हे आपल्या मुलीवर स्वत:पेक्षाही अधिक प्रेम करतात. आपल्या होणाऱ्या पत्नीच्या मुलीवर जिवापाड प्रेम करणाऱ्या ब्रॉयनने मानवी नात्याला यानिमित्ताने नवे परिमाण दिले आहे. (ु१्रंल्ल ेङ्मीि’ ६ँ्र३ल्ली८ ें११्रँी ूी१ीेङ्मल्ल८ ॅ्र१’ ु१्री’’ी)