अंतिम फेरी गाठण्याचा भारताचा निर्धार

गतविजेत्या भारताला आशियाई चॅम्पियन्स ट्रॉफी हॉकी स्पर्धेच्या उपांत्य सामन्यात शनिवारी जपानविरुद्ध लढत द्यायची आहे. हा सामना जिंकून अंतिम फेरीत धडक देण्याच्या निर्धाराने संघ खेळेल.

मस्कत : गतविजेत्या भारताला आशियाई चॅम्पियन्स ट्रॉफी हॉकी स्पर्धेच्या उपांत्य सामन्यात शनिवारी जपानविरुद्ध लढत द्यायची आहे. हा सामना जिंकून अंतिम फेरीत धडक देण्याच्या निर्धाराने संघ खेळेल.राऊंड रॉबिन सामन्यात जपानवर ९-० ने एकतर्फी विजयाची नोंद करणाऱ्या भारताचे पारडे जड वाटते. राऊंड रॉबिन फेरीत एकही सामना न गमविणारा भारत एकमेव संघ आहे. मलेशियाविरुद्ध गोलशून्य बरोबरी हा एकमेव अपवाद वगळता सर्वच सामने जिंकले होते. भारत पाच सामन्यातून १३ गुण मिळवित अव्वल स्थानी आहे.