२७ व २८ जुलैला जिल्हा परिषद कर्मचाऱ्यांच्या बदल्या

जिल्हा परिषद कर्मचाऱ्यांच्या १० टक्के प्रशासकीय व १० टक्के विनंती बदल्यांसाठीची प्रक्रिया सुरू झाली आहे. यासाठी आज बैठक घेण्यात आली. सोमवारी पुन्हा त्यावर बैठक घेऊन बदलीपात्र, ज्येष्ठ आदीच्या याद्या अंतिम करण्यात येणार आहेत. २७ रोजी सकाळी ९.३० ते १२ पर्यंत आरोग्य, १ वाजेपर्यंत लघुसिंचन, २ वाजेपर्यंत ग्रामीण पाणीपुरवठ्याच्या बदल्या होतील. त्यानंतर २.३० ते ३.३० पर्यंत कृषी, ४.३० पर्यंत पशुसंवर्धन, ५.३० पर्यंत शिक्षण विभागाच्या बदल्या होणार आहेत. २८ रोजी सकाळी ९.३० ते १२ पर्यंत पशुसंवर्धन, दुपारी १ पर्यंत अर्थ, २ पर्यंत महिला व बालकल्याण तर मध्यंतरानंतर ४ पर्यंत पंचायत विभाग व त्यानंतर ५ पर्यंत बांधकाम विभागाच्या बदल्या होणार आहेत. यात सर्व संवर्गांच्या बदल्यांचा समावेश राहणार आहे. या बदल्यांची प्रक्रिया षटकोनी सभागृहात होणार असून, जिल्हा परिषद अध्यक्ष गणाजी बेले, उपाध्यक्ष मनीष आखरे व सर्व सभापतींची उपस्थिती राहणार आहे.