ज्या व्यवसायाचे प्रकल्प मूल्य रुपये १ लाख ते ५ लाखांपर्यंत आहे, अशा व्यवसायासाठी ‘एनएसएफडीसीचा’ सहभाग ८० टक्के, भांडवल अनुदान २० टक्के असणार आहे. या कर्जाचा व्याजदर ६ टक्के असून, परतफेडीचा कालावधी ६ वर्षे असणार आहे.
यासाठी अर्जदार अनुसुचित जातीतील असावा, अर्जदाराचे वार्षिक उत्पन्न रुपये तीन लाखांपर्यंत असावे, अर्जदार हा कोरोनामुळे मृत्यू झालेल्या कुटुंबप्रमुखांच्या कुटुंबातील सदस्य असावा, (कुटुंबप्रमुखाच्या रेशनकार्डवर सदर सदस्याचे नाव असणे बंधनकारक), मृत्यू झालेल्या व्यक्तीची वयोमर्यादा १८ ते ६० च्या दरम्यान असावी, मृत्यू पावलेल्या कुटुंबप्रमुखाची मिळकत कुटुंबाच्या एकूण मिळकतीपेक्षा जास्त असणे आवश्यक आहे. कोरोनामुळे मृत्यू झालेल्या व्यक्तींसाठी महानगरपालिका, नगरपालिका यांनी दिलेले मृत्यू प्रमाणपत्र, स्मशानभूमी प्राधिकरणाने दिलेली पावती, एखाद्या गावात स्मशानभूमी नसल्यास गटविकास अधिकाऱ्याने दिलेले मृत्यू प्रमाणपत्र यापैकी एक दस्ताऐवज आवश्यक आहे. सदरील माहिती ३० जूनपर्यंत महात्मा फुले मागासवर्ग विकास महामंडळाच्या जिल्हा कार्यालयात अथवा लिंकवर भरून पाठवावी, असे आवाहन जिल्हा व्यवस्थापकांनी केले आहे.