मार्डी पाटीजवळील अपघातात दाेन ठार

येंहळेगाव साेंळके येथून गणेश यशवंतराव शेळके वय ३५ रा. डिग्रस कऱ्हाळे हल्ली मुक्काम वसमत व भुजंग त्र्यंबक सोळंके वय ४० रा. येंहळेगाव सोळंके हे दोघेजण नवीन माेटारसायकल विना क्रमांकाची यावरून वसमतकडे जात असताना मार्डी शिवारात मोटारसायकल अपघातात गणेश शेळके यांचा जागीच मृत्यू झाला तर भुजंग शेळके गंभीर जखमी झाले. त्यांना वसमत येथून नांदेड येथे उपचारासाठी पाठविण्यात आले. २० जानेवारी रोजी सकाळी १० च्या सुमारास त्यांचाही मृत्यू झाला आहे. या घटनेची माहिती मिळताच फौजदार सविता बोधनकर, इम्रान सिद्दिकी यांनी घटनास्थळी धाव घेऊन जखमींना वसमत, नांदेड येथे हलविले. याप्रकरणी कुरुंदा पोलीस स्टेशन येथे आकस्मिक मृत्यूची नोंद करण्यात आली. ही घटना रात्रीच्या सुमारास झाल्यामुळे हे मोटारसायकलवरुन स्वतः पडले किंवा अज्ञात वाहनाने त्यांना धडक दिली हे कारण अद्याप समजू शकले नाही.