कोरोनाचे नव्याने दहा रुग्ण आढळले; चार बरे

जिल्ह्यात आरोग्य विभागाच्या वतीने वसमत ४, कळमनुरी २७, सेनगाव परीसरातील ३ अशा ३३ जणांची रॅपिड अँटिजेन टेस्ट घेण्यात आली होती. मात्र यामध्ये एकही कोरोनाचा रुग्ण आढळून आला नाही. परंतु, काही संशयितांची आरटीपीसीआर टेस्ट घेतली असता यामध्ये कोरोनाचे दहा रुग्ण आढळून आले आहेत. यामध्ये हिंगोली नऊ, तर औंढा नागनाथ परिसरातील एका रुग्णाचा समावेश आहे. दरम्यान, जिल्हा रुग्णालयातील तीन व कळमनुरी येथील कोरोना केअर सेंटरमध्ये उपचार घेणारा एक रुग्ण बरा झाल्याने त्यांना रुग्णालयातून घरी सोडण्यात आले. आजपर्यंत कोरोना रुग्णांची एकूण संख्या ३ हजार ८२८ झाली असून, त्यापैकी ३ हजार ७१७ रुग्ण बरे झाले आहेत. तसेच आजपर्यंत एकूण ५८ रुग्णांचा मृत्यू झाला आहे. आजघडीला ५३ रुग्णांवर उपचार सुरू असून, त्यापैकी जिल्हा रुग्णालयात उपचार घेणाऱ्या ५ रुग्णांची प्रकृती गंभीर असल्याने त्यांना ऑक्सिजनवर ठेवण्यात आले असल्याची माहिती जिल्हा रुग्णालय प्रशासनाने दिली.