बन येथे भगवानबाबा पुण्यतिथी निमित्ताने अंखड हरिनाम सप्ताह

सप्ताह रामायणाचार्य हभप सोपान महाराज सानप शास्त्री यांच्या मार्गदर्शनाखाली बन येथे आयोजित करण्यात आला आहे. त्यामध्ये भगवान बाबांच्या पुण्यतिथीनिमित्त हभप विजय महाराज वाघ बनकर यांचे कीर्तन झाले. ३० जानेवारी रोजी हभप प्रकाश महाराज साठे धारूरकर, ३१ जानेवारी रोजी हभप संजय महाराज पाचपोर, १ फेब्रुवारी रोजी हभप श्रीनिवास महाराज आळंदीकर,२ फेब्रुवारी रोजी हभप रामराव महाराज ढोक नागपूर, ३ फेब्रुवारी रोजी हभप व्याकरण आचार्य अर्जुन महाराज लाड गुरुजी, ४ फेब्रुवारी रोजी विनोदाचार्य निवृत्ती महाराज देशमुख इंदुरीकर, तर ५ फेब्रुवारी रोजी हभप १००८ महामंडलेश्वर आचार्य स्वामी मनीषा नंद पुरी महाराज यांचे काल्याचे कीर्तन होऊन सप्ताहाची सांगता करण्यात येणार आहे. तरी आजूबाजूच्या परिसरातील सर्व भाविक भक्तांनी अवश्य लाभ घ्यावा, असे आवाहन संत भगवानबाबा मित्रमंडळ व समस्त गावकरी मंडळींच्या वतीने करण्यात आले आहे.