जिल्ह्यात कोरोनाचे नव्याने ३२ रुग्ण आढळले

जिल्ह्यात हिंगोली परिसरातील ३७, वसमत ४, कळमनुरी ४९, औंढा नागनाथ ५५, सेनगाव परिसरातील २ संशयितांची रॅपिड ॲन्टिजेन टेस्ट घेतली असता, यामध्ये औंढा परिसरात १ रुग्ण कोरोनाबाधित निघाला. तसेच हिंगोली, औंढा, कळमनुरी, सेनगाव परिसरातील संशयितांची आरटीपीसीआर टेस्ट घेतली असता, यात हिंगोली परिसरात २२ रुग्ण आढळले. तसेच औंढा १, कळमनुरी १, तर सेनगाव परिसरात ७ असे एकूण २१ रुग्ण आढळून आले. तसेच जिल्हा सामान्य रुग्णालयातील ७, तर कळमनुरी येथील कोरोना केअर सेंटरमधील ४ असे ११ रुग्ण बरे झाल्याने त्यांना रुग्णालयातून घरी सोडण्यात आले. आजपर्यंतची रुग्णांची संख्या ४ हजार ३७ झाली असून, यापैकी एकूण ३ हजार ७८५ रुग्ण बरे झाले आहेत. आजपर्यंत ६० रुग्णांचा मृत्यू झाला आहे. जिल्हा रुग्णालयात उपचार घेणाऱ्या ८ रुग्णांची प्रकृती गंभीर असल्याने त्यांना ऑक्सिजनवर ठेवण्यात आले असून, २ रुग्णांची प्रकृती अतिगंभीर असल्याने त्यांना बायपॅप मशीनवर ठेवण्यात आल्याची माहिती जिल्हा रुग्णालय प्रशासनाने दिली.