रुग्णाच्या आत्महत्येची चौकशी होणार

रुग्णाच्या आत्महत्येची चौकशी होणार

-मेडिकल : कॅन्सरवर उपचार सुरू होते

(मेडिकलचा फोटो वापरावा)

नागपूर : नागपूरच्या शासकीय वैद्यकीय महाविद्यालय व रु ग्णालयात (मेडिकल) उपचार घेत असलेल्या बुद्धदास अमित बोरकर (६५) या कॅन्सरच्या रुग्णाने शुक्र वारी मध्यरात्री गळफास लावून आत्महत्या केली. या घटनेला मेडिकल प्रशासनाने गंभीरतेने घेतले असून सोमवारी तीन सदस्य समितीला चौकशी करण्याचे निर्देश दिले आहे.
भंडारा जिल्ह्यातील लाखांदूर तालुक्यातील मोहरना, राहणारे बोरकर यांना काही दिवसांपूर्वी मेडिकलशी संलग्न असलेल्या सुपर स्पेशालिटी रुग्णालयात भरती करण्यात आले होते. येथे त्याच्यावर तीन वेळा बायोप्सी (पॅथालॉजी परिक्षणाकरीता शरीराचा लहानसा भाग कापणे) करण्यात आली होती. परंतु याचा अहवाल अचूक येत नव्हता. अखेर नातेवाईकांनी कंटाळून बुद्धदास यांना ३० जुलै रोजी मेडिकलच्या शल्यशस्त्रक्रियेचा वॉर्ड क्र. १२ मध्ये भरती केले. येथे आल्यापासून त्यांच्या वागण्यात बदल झाला होता. शुक्रवारी त्याच्या देखभालीसाठी त्याची पत्नी सोबत होती. रात्री १.३० वाजताच्या सुमारास बोरकर यांनी स्वच्छता गृहाच्या खिडकीला दुप्पटा अडकवून गळफास लावले. या प्रकारामुळे रुग्णालयात खळबळ उडाली. कॅन्सरपिडीत असल्या कारणाने बोरकर यांनी आत्महत्त्या केल्याचा प्राथमिक अंदाज वर्तिवला जात असलातरी त्याची चौकशी करण्याचा निर्णय मेडिकल प्रशासनाने घेतला. सोमवारी अधिष्ठाता डॉ. अभिमन्यू निसवाडे यांनी वैद्यकीय अधिक्षक डॉ. जगदीश हेडाऊ यांच्या नेतृत्वात तीन सदस्यीय समितीला चौकशीचे आदेश दिले.