विविध स्पर्धा : बक्षीस वितरणाने समारोपशिरपूरबांध : एकात्मिक बाल विकास प्रकल्प देवरी अंतर्गत फुटाणा बिटामार्फत आटलीटोला (सिरपूरबांध) येथील आंगणवाडीच्या पटांगणावर महिला मेळाव्याचे आयोजन करण्यात आले होते. अध्यक्षस्थानी जि.प. सदस्य उषा शहारे, उद्घाटक म्हणून सभापती पं.स. देवरी देवकी मरई उपस्थित होत्या. अतिथी म्हणून सरपंच नहरसिंग फंडकी, प्रमुख पाहुणे म्हणून सविता पुराम, दुर्योधन शिवणकर, गजानन शिवणकर, विष्णू सरोटे, अनुकला कोडापे, शामकला बारसे, कविता ताराम, लिला मेश्राम, वाय.बी.कटरे, गभणे, नामदेव कोसरकर, हिरामन ढोरे, जसवंता शिवणकर, प्रमोद ब्राम्हणकर, नरेश शिवणकर, कला सरोटे उपस्थित होते. सर्वप्रथम अंगणवाडी केंद्रात लावण्यात आलेल्या प्रदर्शनीचीे फित कापून प्रदर्शनीचे उद्घाटन करण्यात आले. नंतर क्रांतीज्योती सावित्रीबाई फुले, जिजामाता यांच्या प्रतिमेला माल्यार्पण व दिप प्रज्वलन करून कार्यक्रमाची सुरूवात करण्यात आली. प्रास्ताविक बालविकास प्रकल्प अधिकारी नवथडे यांनी केले. प्रास्ताविकेत त्यांनी शासनातर्फे चालविण्यात योजनाची सविस्तर माहिती दिली. त्या योजनांचा लाभ कोणाला आणि कसा घेता येईल असे मार्मिक शब्दात समजावून सांगितले. त्याच प्रमाणे पाहुण्यांनी सुध्दा उपस्थित महिला, तरूणी व गर्भवती मातांनी शासनाकडून राबविल्या जाणाऱ्या योजनांची माहिती करूण दिली. अध्यक्षीय भाषणात उषा शहारे यांनी या कार्यक्रमाचे आयोजन करणाऱ्या सर्व बिटातील अंगणवाडी सेविकांचे कौतुक केले. गावपातळीवर महिलांना एकत्रित आणल्या शिवाय त्याचा समाजात विकास अशक्य असल्याचे सांगितले. याप्रसंगी संगीत खुर्ची, रांगोळी स्पर्धा, पाककृती, हस्तकला, व्यंजनात्मक स्पर्धाचे आयोजन करण्यात आले होते. सांस्कृतिक कार्यक्रम प्रस्तुत करणाऱ्या मुलांना प्रोत्साहन म्हणून पारितोषीक देण्यात आले. हस्तकला स्पर्धेमध्ये प्रथम पारितोषीक शोफीया शेख, मसरूम शेती करीता गुंजन महिला बचत गट, रांगोळी स्पर्धेत, आंगणवाडीत जाणारा मुलगा या रांगोळी प्रथम क्रमांक देण्यात आला. आहार प्रदर्शनीमध्ये प्रथम- सरस्वती ब गट यांनी मिळाला. व स्पर्धेत प्रदर्शनीमध्ये भाग घेणाऱ्यांना प्रोत्साहन म्हणून बक्षीस देण्यात आले. मेळाव्यात फुटाना बिटातील अंगणवाडी सेविका, मदतनीस तसेच गावातील महिला बचतगट महिला मोठ्या संख्येत उपस्थित होत्या.(वार्ताहर)
महिला मेळावा उत्साहात
By admin | Updated: March 31, 2016 02:13 IST