अज्ञात वाहनाच्या धडकेत तरुण ठार

गोंदिया : देवरी पोलीस ठाण्यांतर्गत येणाऱ्या मासुलकसा घाटावर १५ एप्रिलला दुपारी १२.३० वाजता एका अज्ञात वाहनाने मोटारसायकल एम.एच. ३५ ए.पी. २८०८ ला धडक दिल्याने अक्षय इंद्रनाथ बहेकार (२२, रा. वाॅर्ड क्रमांक १ एच. पी. पेट्रोल पंपच्या बाजूला, देवरी) याचा मृत्यू झाला. अक्षय पथरीच्या आजाराने त्रस्त असल्याने उपचार व सोनोग्राफी करण्यासाठी आपल्या आई-वडिलांना सांगून मोटारसायकल (एम.एच. ३५ ए पी.-२८०८)ने राष्ट्रीय महामार्ग ६ वरून भंडारा येथे जात होता. दरम्यान, मासुलकसा घाटावर अज्ञात वाहन चालकाने त्याच्या मोटारसायकलला मागून धडक दिली. त्यात अक्षयचा मृत्यू झाला. नीतेश अशोक बहेकार (२२ रा. भरेगाव) याच्या तक्रारीवरून देवरी पोलिसांनी भादंविच्या कलम २७९, ३०४ (अ), सहकलम १८४,१३४ (अ)(ब) मोटार वाहन कायदा अन्वये गुन्हा दाखल केला आहे. तपास पोलीस नायक पंधरे करत आहेत.