शहरं
Join us  
Trending Stories
1
'काळजी करू नका; तुम्हाला जे हवे, तेच होणार', पहलगामबाबत राजनाथ सिंह यांचे सूचक विधान
2
कुख्यात नक्षलवाद्याला दहशतवाद विरोधी पथकाने केली अटक, ६-७ वर्षांपासून होता फरार
3
PBKS vs LSG : बॅटिंग-बॉलिंगमध्ये 'सिंग इज किंग शो'; पंतच्या लखनौसमोर श्रेयस अय्यरच्या पंजाबचा 'भांगडा'
4
"...त्यासाठी सुंदर महिलांना अमेरिकेत पाठवा’’, ज्येष्ठ पत्रकाराचा पाकिस्तानला अजब सल्ला, आता होतेय टीका   
5
सीमेवर तणाव, त्यात पाकिस्तानच्या या मित्रदेशाने थेट कराचीला पाठवली युद्धनौका, कारण काय?
6
विमानतळावर उतरताना भिंतीवर आदळले विमान, वैमानिकाने उडी मारून वाचवले प्राण
7
नागपुरात शिंदेसेनेच्या पदाधिकाऱ्याविरोधात विनयभंग, फसवणुकीचा गुन्हा दाखल
8
पाच लग्नं केली, सहाव्याच्या तयारीत होता, पण पीडित पत्नीने घेतली पोलिसांत धाव, पोलिसाचाच कारनामा झाला उघड
9
सेंच्युरी हुकली; फिफ्टी प्लस धावसंख्येसह प्रभसिमरन याने साधला मोठा डाव; गेलच्या विक्रमाशी बरोबरी
10
मोदी पहलगाममधील दहशतवाद्यांना धडा कधी शिकवणार? काँग्रेस नेत्याचा सवाल, राफेलला म्हटलं खेळणं  
11
अजिंक्य रहाणेनं घेतलेला कॅच भारीच! याशिवाय या दोन गोष्टींची रंगली चर्चा (VIDEO)
12
चार पैकी दोन दहशतवादी काश्मिरी, पर्यटकांशी मैत्री केली आणि..., पहलगाम हल्ल्याबाबत सर्वात मोठा गौप्यस्फोट  
13
KKR vs RR : "हम तो डूबे हैं सनम तुम को भी ले डूबेंगे..." गाणं वाजलंच होतं, पण कॅसेट गुंडाळलं अन्...
14
परिवहन मंत्री प्रताप सरनाईक यांनी चालवली रिक्षा
15
IPL 2025 : रियान परागचा मोठा पराक्रम; ६ चेंडूत सलग ६ षटकार मारत सेट केला नवा रेकॉर्ड
16
IND W vs SL W: श्रीलंकेच्या नीलाक्षी दा सिल्वाचं वादळी अर्धशतक; भारताचा तीन विकेट्सने पराभव
17
तेल अवीव विमानतळाजवळ क्षेपणास्त्र हल्ला; दिल्लीहून इस्रायलला जाणारे एअर इंडियाचे विमान वळवले
18
१५ दिवसांपूर्वीच दुकान सुरु केले अन् हल्ल्याच्याच दिवशी गायब झाला; पहलगाममध्ये NIA कडून एकाची चौकशी
19
'आम्हाला मित्रांची गरज आहे, उपदेश देणाऱ्यांची नाही', जयशंकर यांनी युरोपला खडसावले...
20
HSC Result 2025: १२ वीच्या निकालाची प्रतिक्षा संपली; उद्या दुपारी होणार जाहीर, कुठे व कसा पहाल? जाणून घ्या

ग्रामविकास अधिकाऱ्याची विष प्राशन करून आत्महत्या

By लोकमत न्यूज नेटवर्क | Updated: March 31, 2021 04:29 IST

गोंदिया : सरपंच पतीच्या त्रासाला कंटाळून ग्रामविकास अधिकाऱ्यांनी विष प्राशन केल्याने उपचारादरम्यान त्यांचा मंगळवारी (दि.३०) सकाळी मृत्यू झाला. ...

गोंदिया : सरपंच पतीच्या त्रासाला कंटाळून ग्रामविकास अधिकाऱ्यांनी विष प्राशन केल्याने उपचारादरम्यान त्यांचा मंगळवारी (दि.३०) सकाळी मृत्यू झाला. सरपंच पतीच्या त्रासाला कंटाळून आत्महत्या करीत असल्याचे त्यांनी विष प्राशन करण्यापूर्वी लिहून ठेवलेल्या पत्राच्या आधारे उघडकीस आले. यामुळे त्यांच्या कुटुंबीयांनी मृतदेह पोलीस ठाण्यात मांडून सरपंच पतीच्या अटकेची मागणी केली. मात्र पोलिसांनी आरोपीवर आत्महत्येस प्रवृत्त केल्याची कलम वाढवून दिल्यानंतर सायंकाळी ६ वाजता कुटुंबीयांनी मृतदेह उचलला. शिवकुमार चैतराम रहांगडाले (रा. आदर्श कॉलनी, गोरेगाव) असे आत्महत्या करणाऱ्या ग्रामविकास अधिकाऱ्यांचे नाव आहे.

सविस्तर वृत्त असे की, शिवकुमार रहांगडाले शिवकुमार रहांगडाले हे मागील ४ वर्षांपासून ग्राम कुऱ्हाडी येथे ग्रामविकास अधिकारी पदावर कार्यरत आहेत. बुधवारी (दि. २४) त्यांनी दोनदा उलटी केल्याने त्यांना गोंदिया गायत्री हॉस्पिटलमध्ये भरती करण्यात आले होते. यावर डॉक्टरांनी त्यांच्या पत्नी अंतकला शिवकुमार रहांगडाले (५०,रा.आदर्श कॉलनी,गोरेगाव) यांना शिवकुमार यांनी विष प्राशन केल्याचे सांगितले. तर शिवकुमार यांची प्रकृती गंभीर असल्याने डॉक्टरांनी शुक्रवारी (दि.२६) अंतकला यांना उपचाराच्या दृष्टीने शिवकुमार यांनी कोणते विष प्राशन केले ते बघण्यास सांगितले. यावर त्यांनी घरी जा‌ऊन शिवकुमार यांची बॅग बघितली असता त्यात त्यांना शिवकुमार यांनी लिहिलेले पत्र मिळून आले. त्यात शिवकुमार यांनी मागील १ वर्षापासून सरपंचांचे पती मार्तंड पारधी ग्रामपंचायतच्या कामात हस्तक्षेप करीत असल्याचे लिहिले आहे. चुकीचे बिल देऊन पैसे काढण्यासाठी प्रवृत्त करीत असून तसे न केल्यास वरिष्ठांकडे खोट्या तक्रारी करून खोटी कामे करण्यासाठी दबाव आणतात. त्यांच्या त्रासाला कंटाळून मानसिक संतुलन बिघडल्याने आत्महत्या करीत असल्याचे पत्रात नमूद आहे.

या पत्राच्या आधारे अंतकला रहागंडाले यांनी ग्रामसेवक संघटनेच्या पाधिकाऱ्यांसोबत जाऊन शनिवारी (दि. २७) गोरेगाव पोलिसांत तक्रार देत शिवकुमार यांना आत्महत्येस प्रवृत्त करणाऱ्या पारधी यांच्यावर कारवाई करण्याची मागणी केली होती. त्यावेळी गोरेगाव ठाणेदार सचिन मैत्रे यांनी मृत्यू न झाल्याने ३०६ चा गुन्हा दाखल होणार नसल्याचे सांगत आत्महत्येसाठी प्रवृत्त केल्याप्रकरणी तक्रार दाखल करुन घेतली होती. त्यानुसार सोमवारी (दि.२९) पारधीला अटक करुन न्यायालयात हजर केले असता न्यायालयाने त्याला जामीन दिला. मात्र मंगळवारी (दि.३०) शिवकुमार यांचा मृत्यू झाला. यामुळे संतापलेल्या त्यांच्या कुटुंबीयांनी शिवकुमार यांचा मृतदेह दुपारी २ वाजता थेट पोलीस ठाण्याच्या प्रवेशद्वारात ठेवला व पारधीला अटक करण्याची मागणी केली. दरम्यान, ठाणेदार मैत्रे यांनी या प्रकरणात पारधीवर कमल ३०६ वाढविल्यानंतर सायंका‌ळी ६ वाजता कुटुंबीयांनी शिवकुमार यांचा मृतदेह उचलला. आता कलम वाढल्याने पारधीला अटक करण्यात येणार असल्याचे पोलीस निरीक्षक मैत्रे यांनी सांगीतले.

-------------------------

४ तास मृतदेह पोलीस ठाण्याच्या प्रवेशद्वारातच

पारधीवर आत्महत्येस प्रवृत्त केल्याची कलम लावत नाही तोपर्यंत मृतदेह उचलणार नाही असा पवित्राच शिवकुमार यांचे कुटुंबीय व ग्रामसेवक संघटनेने घेतला होता. यासाठी त्यांनी दुपारी २ वाजता मृतदेह पोलीस ठाण्याच्या प्रवेशद्वारात मांडला होता. अखेर पोलीस निरीक्षक मैत्रे यांच्या आश्वासनांतर सायंकाळी ६ वाजता शिवकुमार यांचा मृतदेह उचलण्यात आला.

----------------------------