सडक अर्जुनी : तालुक्यातील बौद्धनगर, फुलेनगर व मोकाशी टोला येथील कार्यरत कर्मचारी यांनी लसीकरण जनजागृती व कोविड संबंधित ग्राम सर्वेक्षणाचे कार्य करताना गावात कोरोनाचा संसर्ग होऊ नये म्हणून मुख्याध्यापक, ग्रामसेवक, सरपंच यांनी स्वत:कडून निधी गोळा करुन सर्व ग्रामवासीयांना निशुल्क मास्कचे वाटप केले.
गावकऱ्यांना लसीकरणाचे महत्व पटवून दिले. काही लोकांच्या मनात असलेल्या लसीकरणाबाबत असलेल्या शंका दूर करण्याचा प्रयत्न केला. मास्क वितरण व लसीकरण जनजागृती यावेळी सरपंच प्रिती सोहनलाल बडोले, उपसरपंच हरी कोसमे, मुख्याध्यापक किशोर डोंगरवार, ग्रामसेवक जी.के.रामटेके, मुख्यध्यापक एम. बी. ब्राम्हणकर, मुख्यध्यापक राजू कोटांगले, विपेंद्र बडोले, सूर्यभान ठलाल, पौर्णिमा बडोले, विना तोरणकर, समता झिंगरे, सुशीला बडोले, रुपा बनकर, रंजना बडोले, रेखा झिंगरे, इंदू बनकर, दिलीप वंजारी, अमोल राऊत, राधा भोंडे, विजया मेश्राम, शुभांगी रामटेके उपस्थित होते. यावेळी उपस्थित मान्यवरांच्या हस्ते १,३०० मास्कचे वाटप करण्यात आले.