तिरोड्यात न.प.ची अनधिकृत शाळा

तिरोडा नगर परिषदेने शिक्षण विभागाची परवानगी न घेताच अनधिकृतपणे इंग्रजी माध्यमातून प्राथमिक शाळा सुरू केल्याचे प्रकरण उघडकीस आले आहे.

आशिर्वाद कुणाचे? : मंजुरी एकाची, कारभार चालतो दुसऱ्या शाळेचा, पालकांकडून उकळले जातेय शुल्क !गोंदिया : तिरोडा नगर परिषदेने शिक्षण विभागाची परवानगी न घेताच अनधिकृतपणे इंग्रजी माध्यमातून प्राथमिक शाळा सुरू केल्याचे प्रकरण उघडकीस आले आहे. एवढेच नाही तर शहरात इतरत्र न.प. शाळेचा फलक लावून प्रत्यक्षात त्यात खासगी शाळा सुरू केल्याचा खळबळजनक प्रकार गटशिक्षणाधिकाऱ्याच्या निदर्शनास आला आहे.मराठी माध्यमातील शाळांची दयनीय अवस्था व रोडावत चाललेली विद्यार्थी संख्या पाहता तिरोडा नगर परिषदेने लिटील बडर््स म्युनिसिपल कॉन्व्हेंट नावाने पूर्व माध्यमिक शाळा सुरू केली. जे गरीब विद्यार्थी कॉन्व्हेंट शाळेत शिक्षण घेऊ शकत नाहीत त्यांना इंग्रजी माध्यमातून चांगले शिक्षण मिळावे, असा यामागे हेतू होता. तिरोडा नगर पालिकेच्या या निर्णयाचे सर्वत्र कौतुकही झाले. मात्र यंदा शाळेत अनधिकृतपणे पहिला व दुसरा वर्ग सुरू करण्यात आला. विशेष म्हणजे याकरिता शिक्षण विभागाची परवानगी घेण्यात आलेली नाही.दुसरा अफलातून प्रकार असा की तिरोडा शहरातील जनता बँकेच्या वर लिटिल बडर््स म्युनिसिपल कॉन्व्हेंटचा फलक असलेली एक शाळा सुरू आहे. गटशिक्षणाधिकारी मांढरे यांनी १३ आॅगस्ट १५ ला या शाळेला भेटी दिली असता विद्यार्थी व शिक्षकांनी शाळेचे नाव ‘लिटील फ्लॉवर’ असल्याचे सांगितले मात्र कार्यालयात ‘लिटील बडर््स’ सांगण्यात आले. त्यामुळे गटशिक्षणाधिकारी देखील चक्रावून गेले. त्यांनी लिटील फ्लॉवर शाळेला पत्र क्र. पंसति /शिक्षण / का.नो./ ९४/२०१५ दि.१४.८.२०१५ नुसार खुलासा मागविला व शाळेला मान्यता प्राप्त असल्याची प्रत पाच दिवसात सादर करण्याचे निर्देश दिले. तसेच ‘लिटिल बडर््स ’ शाळेला देखील निर्देश दिले. लिटिल बडर््स शाळेकडून पत्र क्र.नपति/लि.बर्ड मु.का./क्यू/२०१५ दि.१७.८.२०१५ नुसार उत्तर देण्यात आले. यात प्राथमिक वर्गांची परवानगी नसल्याचे सांगण्यात आले आहे.लिटील फ्लॉवर शाळेने आपल्याकडे फक्त पूर्व प्राथमिक शाळा असल्याचे उत्तर गटशिक्षणाधिकाऱ्यांना दिले आहे. नगर पालिकेची लिटिल बडर््स शाळा न.प.च्या मालकीच्या डॉ.छत्रपती दुबे शाळेच्या प्रशस्त इमारतीत भरते. मग जनता बँकेच्यावर पालकांकडून अवाढव्य फी उकळून न.प.कान्व्हेंटचा फलक लावून प्राथमिक शाळा कशी काय सुरू आहे? हा अनाकलनिय प्रश्न चिन्ह आहे. न.प.च्या कॉन्व्हेंटचा फलक वापरण्याची परवानगी लिटिल फ्लॉवर शाळेला कुणी दिली असावी? यामागे कुणाचा हात असावा? या सर्व गोंधळात नेमके काय गौडबंगाल आहे हे शोधण्याची जबाबदारी आता शिक्षण विभागाची असून ते काय कारवाई करतात, याकडे सर्वांचे लक्ष असणार आहे. (जिल्हा प्रतिनिधी)गटशिक्षणाधिकाऱ्यांनी दिले वर्ग बंद करण्याचे आदेशगटशिक्षणाधिकाऱ्यांनी ४ सप्टेंबरला पत्र देवून लिटील बडर््स शाळेतील प्राथमिक वर्ग १ व २ बंद करण्याचे आदेश दिले आहेत. विशेष म्हणजे नगर पालिकेने प्राथमिक वर्ग सुरू करण्याकरिता शासनाकडे रितसर नमुन्यात प्रस्ताव देखील सादर केलेला नाही. याचा अर्थ सदर शाळा अनधिकृत असून विद्यार्थ्यांचे भविष्य धोक्यात येण्याची शक्यता वर्तवली आहे. १५ दिवसांत प्राथमिक शाळा बंद न केल्यास फौजदारी कार्यवाही प्रस्तावित करण्याचे नमूद केले आहे.- आकारल्या जातेय ट्यूशन फीएका पालकाने नाव जाहीर न करण्याच्या अटीवर लिटिल फ्लॉवर शाळेत दुसऱ्या वर्गाकरिता चार हजार रुपये ट्युशन फिस भरल्याची पावती दाखविली. जर सदर शाळेला प्राथमिक वर्गांची मान्यता नाही तर ट्यूशन फिस कशाची घेतली जाते? याचा अर्थ या शाळेतही अनधिकृतपणे इंग्रजी माध्यमातून प्राथमिक शाळा सुरू आहे.खासगी शाळा, नगर पालिका कॉन्व्हेंटचा फलक, अनधिकृत वर्ग या सर्व प्रकरणाची सखोल चौकशी करण्यात यावी व विद्यार्थ्यांच्या भविष्याशी खेळण्याचा हा घृणास्पद प्रकार बंद व्हावा, अशी मागणी पालकांनी केली आहे.