घरावर टार्च मारण्याच्या कारणावरुन दोघांना मारहाण

आखाडीचा दिवस असल्याने रात्रीच्या दरम्यान फिर्यादी यादोराव विठोबा डोंगरवार रा. पुराडा व मुलगा रामेश्वर डोंगरवार हे दोघेही गाईला नवैद्य देण्यासाठी गोठ्यात अंधार असल्याने टार्च घेऊन गेले होते. शेजारीच असलेल्या आरोपी जयश राठी व दुर्गेश राठी यांनी डोंगरवार पिता पुत्राला तुम्ही आमच्या घरावर टार्च का मारता, असे म्हणून भांडण सुरु केले व भांडणाचे रुपांतर मारहाणीत झाले. यात जयश राठी व दुर्गेश राठी यांनी काठीने डोंगरवार पिता पुत्राला मारहाण केली. त्यामुळे फिर्यादीच्या डोक्याला गंभीर दुखापत होऊन सात टाके लागले व मुलगा रामेश्वरच्या पायाला दुखापत झाली. देवरी येथील शासकीय रुग्णालयात त्यांच्यावर उपचार करण्यात आले. १ ऑगस्ट रोजी पोलीस स्टेशन सालेकसा येथे तक्रार दाखल केली. पोलिसांनी आरोपी जयश राठी व दुर्गेश राठी यांच्या विरोधात भादंवि कलम ३२६,३४,५०४, ५०६ कलमान्वये गुन्हा दाखल केला आहे. तपास पोलीस हवालदार बावणकर, मानकर करीत आहेत.