गोंदिया : राज्याचे वनमंत्री संजय राठोड यांच्यावर कारवाई करून त्यांचा त्वरित राजीनामा घेण्यात यावा या मागणीला घेऊन भाजपच्या महिला मोर्चाच्या वतीने मुख्यमंत्री उद्धव ठाकरे यांच्या नावे शहर पोलीस स्टेशनचे ठाणेदार महेश बन्सोडे यांना शनिवारी निवेदन देण्यात आले.
या वेळी दिलेल्या निवेदनातून महिलांवरील अत्याचाराच्या घटनांना आळा घालण्यासाठी उपाययोजना करण्यात याव्या, काही दिवसांपासून पूजा चव्हाण आत्महत्येसंदर्भात वनमंत्री संजय राठोड यांच्यावर आरोप होत आहेत. त्यांचा राजीनामा घेऊन त्यांच्यावर कारवाई करण्यात यावी आदी मागण्यांचा समावेश होता. शिष्टमंडळात प्रदेश सचिव सीता रहांगडाले, जिल्हाध्यक्ष भावना कदम, जिल्हा महामंत्री शालिनी डोंगरे, शहर अध्यक्ष निर्मला मिश्रा, ग्रामीण अध्यक्ष माधुरी हरीणखेडे, उमा महाजन, दीपा काशिवार, नगरसेविका अनिता मेश्राम, नेहा नायक, अफसाना पठाण, आशालता देशमुख, शहर महामंत्री नीलिमा माणिकापुरी, यशस्वी मिश्रा, मीना डुंबरे, माया राघोर्ते, प्राजक्ता ढोक, सोनम करवंदे, नंदिता उदापुरे यांचा समावेश होता.