गतवर्षीपेक्षा २.४४ कोटींनी वाढली रॉयल्टी

गोंदिया वनविभागात असलेल्या एकूण १२ वनपरिक्षेत्रात तेंदूपत्ता संकलनाचे एकूण २९ घटक (युनिट्स) आहेत.

देवानंद शहारे गोंदियागोंदिया वनविभागात असलेल्या एकूण १२ वनपरिक्षेत्रात तेंदूपत्ता संकलनाचे एकूण २९ घटक (युनिट्स) आहेत. त्याली ६२ उपघटकांच्या ई-लिलावातून यावर्षी तब्बल नऊ कोटी २३ लाख ३७ हजार ७८२ रॉयल्टी रक्कम वन विभागाला प्राप्त झाली. गेल्या २०१४ मध्ये सहा कोटी ७८ लाख ५२ हजार १७६ रॉयल्टी रक्कम मिळाली होती. त्यामुळे यंदा तेंदूपत्ता ई-टेंडरिंगद्वारे तब्बल २.४४ कोटींची अधिक रॉयल्टी प्राप्त झाली आहे.गोंदिया वनविभागात गोंदिया, गोरेगाव, आमगाव, सालेकसा, उत्तर देवरी, दक्षिण देवरी, सडक-अर्जुनी, चिचगड, गोठणगाव, नवेगावबांध, अर्जुनी-मोरगाव व तिरोडा अशी एकूण १२ वनपरिक्षेत्र आहेत. सन २०१५ तेंदू हंगामात गोंदिया वनपरिक्षेत्र हे एक घटक असून त्यात मुंडीपार, दासगाव, गोंदिया व गंगाझरी या चार उपघटकांचा समावेश आहे. या घटकांच्या लिलावातून नऊ लाख ९०९ रूपयांची रॉयल्टी संबंधित कंत्राटदाराकडून प्राप्त झाली असून १२०० पोती तेंदूपाने संकलनाचे उद्दिष्ट आहे.गोरेगाव वनपरिक्षेत्राच्या गोरेगाव, हिरापूर व पिंडकेपार या घटक समुहासाठी २० लाख ८९ हजार ९२९ रूपये प्राप्त झाले असून १३०० पोती तेंदूपाने संकलनाचे उद्दिष्ट तर घुमर्रा व निंबा या घटक समुहासाठी आठ लाख ८९ हजार ९२९ रूपये प्राप्त झाले असून येथे ६०० पोती तेंदूपाने संकलनाचे उद्दिष्ट आहे. आमगाव वनपरिक्षेत्रात आमगाव व अंजोरा या घटक समुहासाठी एक लाख २१ हजार रूपये प्राप्त झाले असून ४०० पोतींचे उद्दिष्ट आहे. सालेकसा घटकाच्या लिलावातून १६ लाख ५९ हजार ९६९ रूपये प्राप्त व १८०० पोतींचे उद्दिष्ट, दर्रेकसा १ व २ च्या लिलावातून ५८ लाख ८९ हजार ९६९ रूपये व २२०० पोतींचे उद्दिष्ट, बिजेपार, साखरीटोला व मानागड समुहाच्या लिलावातून ३२ लाख ८९ हजार ९५९ रूपये व १७०० पोती तेंदूपाने संकलनाचे उद्दिष्ट आहे. उत्तर देवरी परिक्षेत्रातील देवरी व शेरपार घटक समुहाच्या लिलावातून ३४ लाख ८९ हजार ९३९ रूपये व १०५० पोतींचे उद्दिष्ट, भागी व मुल्ला समुहातून ८१ लाख ८९ हजार ९१९ रूपये व २५०० पोतींचे उद्दिष्ट, सावली व पुराडा समुहातून २९ लाख ८९ हजार ९८९ रूपये व १५०० पोतींचे उद्दिष्ट, दक्षिण देवरी परिक्षेत्रातील कोसबी घटकातून २७ लाख ८९ हजार ९१९ रूपये व १४०० पोतींचे उद्दिष्ट, कन्हाळगाव व परसोडी समुहातून ३३ लाख ८९ हजार ९७९ रूपये व १४०० पोतींचे उद्दिष्ट, म्हैसूली, पळसगाव व बोंडे समुहातून ४७ लाख ८९ हजार ९८९ रूपये व १९०० पोतींचे उद्दिष्ट आहे.सडक-अर्जुनी वनपरिक्षेत्राचे चार घटक असून सौंदड, कोहमारा, डोंगरगाव, शेंडा, जांभळी, रेंगेपार व कोसमतोंडी या उपघटकांचा त्यात समावेश आहे. या चार घटकांच्या लिलावातून एक कोटी ५४ लाख दोन हजार ८१६ रूपये प्राप्त झाले असून एकूण सात हजार ५० पोती संकलनाचे उद्दिष्ट आहे. चिचगड वनपरिक्षेत्राचे चार घटक असून त्यात ककोडी, वडेकसा, चिचगड, पिपरखारी, कडीकसा, मगरडोह, पालांदूर या उपघटकांचा समावेश आहे. या घटकांच्या लिलावातून एक कोटी ५९ लाख ३९ हजार ९३६ रूपये प्राप्त झाले. तर सहा हजार ६०० पोती संकलनाचे उद्दिष्ट आहे. गोठणगाव परिक्षेत्रात दोन घटक असून गोठणगाव, केशोरी, तिरखुरी एक व दोन, राजोली या उपघटकांचा समावेश आहे. या घटकांच्या लिलावातून ७८ लाख ७९ हजार ८७८ रूपये व चार हजार ५०० पोती संकलनाचे उद्दिष्ट आहे. नवेगावबांध परिक्षेत्राचे दोन घटक असून नवेगावबांध, बोरटेकडी, कवठा, पवनी व बाराभाटी असे उपघटक आहेत. या घटकांच्या लिलावातून ६० लाख २८ हजार ९७८ रूपये व तीन हजार ५०० पोती संकलनाचे उद्दिष्ट आहे. अर्जुनी-मोरगाव परिक्षेत्राचे दोन घटक असून अर्जुनी-मोरगाव, बोंडगाव, धाबेटेकडी, वडेगाव, महागाव या उपघटकांचा समावेश आहे. या घटकांच्या लिलावातून ४७ लाख ८९ हजार ९१९ रूपये व तीन हजार ४०० पोतींचे उद्दिष्ट आहे. तिरोडा वनपरिक्षेत्रात दोन घटक असून तिरोडा, वडेगाव, इंदोरा व गोविंदटोला या उपघटकांचा समावेश आहे. या घटकांच्या लिलावातून १८ लाख १४ हजार ७९७ रूपये व दोन हजार पोती संकलनाचे उद्दिष्ट आहे. गोंदिया वन विभागात २९ घटकांच्या माध्यमातून एकूण ४६ हजार तेंदूपाने संकलनाचे उद्दिष्ट आहे. यात काम करणाऱ्या मजुरांना बोनसही दिले जाते.