गोंदिया : मागील अनेक दिवसांपासून गोंदिया जिल्ह्यातील मोटारसायकल चोरीला जाण्याच्या घटनांमध्ये वाढ झाली आहे. या टोळीच्या मागावर स्थानिक गुन्हे शाखेचे पोलीस होते. पोलिसांनी या मोटारसायकल चोरी करणाऱ्या टोळीतील दोघांना अटक केली.
स्थानिक गुन्हे शाखेचे पोलीस पेट्रोलिंग करीत असताना २० मार्च रोजी चुलोद परिसरातून आराेपी सचिन ऊर्फ सोनू ठाकूर व आनंद राहांगडाले या दोघांना अटक केली. त्यांच्या जवळून तीन मोटारसायकल जप्त करण्यात आल्या. स्थानिक गुन्हे शाखेच्या प्रयत्नामुळे त्या आरोपींनी तीन गुन्ह्यांची माहिती उघडकीस आली होती. त्या गुन्ह्याच्या पोलीस कोठडीत तपास करताना त्या आरोपींनी गोंदिया शहर पोलिसांना आणखी दोन चोरीची माहिती दिली आहे. गोंदिया शहर पोलिसांनी त्या दोन गुन्ह्यातील दोन्ही मोटारसायकल जप्त केल्या आहेत. २५ मार्चपर्यंत त्या आरोपींची पोलीस कोठडी वाढली आहे. आणखी काही गुन्हे उघडकीस येण्याची दाट शक्यता आहे. त्या दोन्ही आरोपींविरुद्ध गोंदिया शहर पोलीस ठाण्यात भादंविच्या कलम ३७९ अन्वये गुन्हा दाखल केला आहे. गोंदिया शहर ठाण्याचे पोलीस निरीक्षक महेश बन्सोडे, सहाय्यक पोलीस निरीक्षक विजय राणे, अभिजित भुजबळ, जागेश्वर उईके, छगन विठ्ठले, सुबोध बिसेन, योगेश बिसेन व इतरांनी केली आहे.