मानव-वन्यजीव संघर्ष टाळण्यासाठी जनजागृती

या कार्यक्रमाला राऊंड ऑफिसर संजय पटले, वनरक्षक बागडकर, पंचायत समितीच्या माजी सदस्य अल्का काठेवार प्रामुख्याने उपस्थित होते. याप्रसंगी पटले यांनी, जंगलालगतच्या गाव परिसर व शेतात लाईट लावावे, घरा भोवतालचे झुडूप साफ करावे, घरातील कचरा उघड्यावर न टाकता व्यवस्थित व्यवस्थापन करावा, रात्रीला शेतात जाताना टॉर्च व काठी सोबत ठेवावी, पहाटे व सायंकाळी जंगल परिसरात वावरणे टाळावे, एकट्याने बाहेर जाऊ नये, जंगल परिसरात व उघड्यावर शौचास जाऊ नये व वन्यजिवांसोबतचे संघर्ष टाळण्यासाठी मदत करा, असे आवाहन केले. संचालन गराडा येथील मुख्याध्यापक आनंद गौपाले यांनी केले. आभार जांभूळपाणी येथील मुख्याध्यापक रमेश बिसेन यांनी मानले. कार्यक्रमासाठी वन विभागाच्या कर्मचारी व गावकऱ्यांनी सहकार्य केले.