परीक्षा केंद्रावर सोयी सुविधा उपलब्ध करा

परीक्षा सुरू होत असल्याने परीक्षा कालावधीत तापमान अधिक राहणार आहे. त्या अनुषंगाने मुख्य केंद्र व उपकेंद्रावर पिण्याचे स्वच्छ पाणी, वर्गखोल्यामध्ये पंखे व लाईट, तसेच सर्व शाळा परिसर सॅनिटाईज करून परीक्षा परिसरातील गवत काढून घ्यावे, हँडवॉश, सॅनिटायझर व थर्मल गन उपलब्ध करून द्यावे, विद्युत पुरवठा खंडित झाल्यास केंद्र, उपकेंद्रावर जनरेटर उपलब्ध असावे, बैठक व्यवस्था बोर्डाच्या सूचनेप्रमाणे करण्यात यावी, तसेच बैठक व्यवस्था करताना कोविड-१९ च्या नियमाचे पालन करावे, परीक्षार्थ्यांना स्वत:सोबत पाणी व सॅनिटायझरची बॉटल, मास्क, आदींचा वापर करावा, परीक्षा केंद्रात प्रवेश करण्याआधी विद्यार्थ्यांची तापमान मोजावी व हात सॅनिटाईज करण्यात यावे, एखाद्या परीक्षार्थ्यांचे तापमान जास्त असल्यास किंवा कोविडचे लक्षण असल्यास मंडळाच्या सूचनेप्रमाणे कारवाई करावी, असे आदेश शिक्षणाधिकारी (माध्यमिक) प्र. म. कच्छवे यांनी दिले आहे.