डाटा आॅपरेटर्सचे कामबंद आंदोलन

तालुक्यातील महाराष्ट्र राज्य संगणक परिचालक संघटनेने आपल्या विविध मागण्यांसंदर्भात कामबंध आंदोलन सुरू केले आहे. तसेच संघटनेच्या वतीने आपल्या समस्या सोडविण्यासाठी खंडविकास अधिकाऱ्यांना निवेदन दिले.

तिरोडा : तालुक्यातील महाराष्ट्र राज्य संगणक परिचालक संघटनेने आपल्या विविध मागण्यांसंदर्भात कामबंध आंदोलन सुरू केले आहे. तसेच संघटनेच्या वतीने आपल्या समस्या सोडविण्यासाठी खंडविकास अधिकाऱ्यांना निवेदन दिले.भारत सरकारच्या ई-पंचायत प्रकल्पांतर्गत राज्यातील सर्व ग्रामपंचायतीचे संगणकीकरण करण्यासाठी महाआॅनलाईन कंपनीच्या माध्यमातून कंत्राटी स्वरूपामध्ये प्रत्येक ग्रामपंचायत व पंचायत समिती कार्यालयात डाटा एंट्री आॅपरेटर्सची नियुक्ती मानधन तत्वावर करण्यात आली. संगणक चालकांना शासनाव्दारे आठ ८२४ रुपये मानधन निश्चित करण्यात आले आहे. मात्र प्रत्यक्षात केवळ तीन हजार ८०० ते चार हजार १०० रुपये इतकेच दिले जातात. तेसुद्धा ३ ते ४ महिन्यांपर्यंत मिळत नाही. आता महाराष्ट्र राज्य संगणक परिचालक संघटनेने आपल्या मागण्यांकरिता राज्यव्यापी कामबंद आंदोलन पुकारले आहे.शासनाने महाआॅनलाईन कंपनीशी केलेला करार रद्द करून राज्य शासनाने त्यांना कायमस्वरूपी नियुक्तीपत्र द्यावे. संपूर्ण वेतनश्रेणी लागू करावी. थकीत मानधन त्वरीत देण्यात यावे. तसेच सर्व भत्ते लागू करण्यात यावेत अशा मागण्यांचे निवेदन खंडविकास अधिकाऱ्यांना देण्यात आले. याप्रसंगी सुभाष जांभुळकर, तुरेंद्र नागपुरे, नरेंद्र आगाशे व इतर संगणक चालक प्रामुख्याने उपस्थित होते. (तालुका प्रतिनिधी)