नाना चौक, कुंभारेनगर (झेंडा)

यावर्षी नगरसेवक संकल्प खोब्रागडे यांच्यावतीने ध्वजारोहण कार्यक्रमाचे आयोजन करण्यात आले होते व डॉ. भारत गजभिये यांच्या हस्ते ध्वजारोहण करण्यात आले. प्रमुख पाहुणे म्हणून तालुका वैद्यकीय अधिकारी डॉ. वैदप्रकाश चौरागडे उपस्थित होते. यावेळी सेवानिवृत्त पोलिस निरीक्षक प्रकाश खोब्रागडे यांच्या शाल, श्रीफळ व पुष्पगुच्छ देऊन सत्कार करण्यात आला. तसेच येथील आरोग्य केंद्रातील आशा सेविका, सफाई कर्मचारी व प्रतिष्ठीत नागरिकांचाही सत्कार करण्यात आला. यानंतर शाळकरी विद्यार्थ्यांनी देशभक्ती गीत सादर केले. संचालन प्रमोद मेश्राम यांनी केले. आभार नगसेवक खोब्रागडे यांनी मानले. कार्यक्रमासाठी प्रशांत चंद्रिकापुरे, विनय सांगोडे, प्रणय दरवडे, पंकज लांजेवार, तुषार मेश्राम, अनिमेष तागडे, कार्तिक लांजेवार, रामनिवास गौतम, संतोष भोयर, प्रकाश वंजारी, विजय कुथेकर आदींनी सहकार्य केले.