दीड लाखाच्या दारूच्या साठ्यासह ५ लाख ६१ हजारांचा माल पकडला

मतदारांना वाटप करण्यासाठी गड्डाटोलीच्या गोदामात लपवून ठेवलेली दारू भरारी पथकाच्या कर्मचाऱ्यांनी व पोलिसांनी जप्त केली आहे. ही कारवाई मंगळवारच्या रात्री १० वाजता दरम्यान करण्यात आली आहे.

गोंदिया : मतदारांना वाटप करण्यासाठी गड्डाटोलीच्या गोदामात लपवून ठेवलेली दारू भरारी पथकाच्या कर्मचाऱ्यांनी व पोलिसांनी जप्त केली आहे. ही कारवाई मंगळवारच्या रात्री १० वाजता दरम्यान करण्यात आली आहे.मतदारांना वाटप करण्यासाठी आणलेली देशी विदेशी दारू गड्डाटोलीच्या मार्टीन चाळ येथील गोदामाच्या दोन खोल्यांमध्ये लपवून ठेवली होती. या गोदामातून काही जणांची ये-जा त्या ठिकाणावरून सुरू असताना याची भनक पोलीस सहाय्यक निरीक्षक सत्यजीत ताईतवाले यांना लागताच त्यांनी भरारी पथकला घेऊन त्या ठिकाणी धाड मारली.त्या ठिकाणातून १८० मिलीचे १८३८ देशी दारूचे पव्वे किंमत ५० हजार ८१६ रूपये व १८० म्लिीचे ४८० नग विदेशी दारू मॅकडाल न.१,व्हीस्की किंमत ६२ हजार ४०० या गोदामातून जप्त करण्यात आले. या गोदामात पाच व्यक्ती होते त्यांनाही अटक करण्यात आली आहे. या प्रकरणात अटक करण्यत आलेल्या आरोपींमध्ये सैय्यद मुबारक सैय्यद अकबर (२७) रा. बनिया मोहल्ला आमगाव, संतोष सत्यनरायण राव (२६) रा. गोंडीटोला कुडावा, सादाब सलीम शेख (१९) रा. रेल्वे क्वार्टर रााजलक्षमी कॉम्प्लेक्स जवळ गोंदिया, रूपेश श्रावण कांबळे (५०) रा. फुलचूर व देवराव हगरू रहांगडाले (६०) रा. पुरगाव असे अटक करण्यात आलेल्या आरोपींची नावे आहेत. त्या आरोपींजवळून एक कार व दोन मोटारसायकल पकडण्यत आले आहेत. एम.एच.३५/वाय ०४९५ किंमत २० हजार रूपये, एम.एच.३५/आर ५८९७ किंमत २० हजार रूपये, इंडिका व्हिस्टा कार एम.एच.३५/पी ३८६६ किंमत ४ लाख रूपये असा एकूण पाच लाख ६१ हजार २१६ रूपयाचा माल जप्त करण्यात आला आहे. भरारी पथकाला व पोलिसांना य आरोपींच्या हालचालीत संशयस्पद वाटल्याने त्यानी त्यांचा पाठलाग करून मुद्देमाल पकडला. अंधार असल्यामुळे बॅटरीच्या उजेडात त्यांनी सहित्याची पाहणी केली. सदर आरोपींवर मुंबई दारूबंदी कयदा कलम ६५ ई अ अन्वये गुन्हा दखल केला आहे. सदर कारवाई जिल्हा उद्योग केंद्राचे निरीक्षक भुमेश्वर महादेव शिवणकर, रामनगरचे सहाय्यक पोलीस निरीक्षक सत्यजीत ताईतवाले, हवालदार कैलास अंबुले, पोलीस नायक मुकेश शेंडे यांनी केली आहे.(तालुका प्रतिनिधी)