जखमी तरुणाची केली मदत

पायावर झाड पडून जखमी झालेल्या तरूणावर येथील माजी नगरसेवक मुजीब पठाण यांनी औषधोपचार करवून त्याला पुढील उपचारासाठी नागपूरला पाठविण्यासाठी मदत करून दिली.

गोंदिया : पायावर झाड पडून जखमी झालेल्या तरूणावर येथील माजी नगरसेवक मुजीब पठाण यांनी औषधोपचार करवून त्याला पुढील उपचारासाठी नागपूरला पाठविण्यासाठी मदत करून दिली. अर्जुनी-मोरगाव तालुक्यातील चिचटोला निवासी होमराज स्ुखराम मळकाम गुरूवारी झाड कापत असताना त्याच्या पायावरच झाड पडले. यात घुडग्याखालील पायाचा भाग पूर्णपणे जखमी झाल्याने त्याला येथील केटीएस रूग्णालयात उपचारार्थ आणले होते. मात्र दवाखान्यात डॉक्टर नसल्याने नर्सने त्यांच्या पायाला पट्टी बांधून उपचारासाठी नागपूरला जाण्यास सांगीतले. ही बाब तेथे उपस्थित पठाण यांना कळताच त्यांनी जिल्हा शल्य चिकीत्सक डॉ. रवी धकाते यांना कळवून डॉक्टरची व्यवस्था करण्यास सांगीतले. त्यानंतर रात्री डॉ. दिगंबर मरसकोल्हे आले व त्यांनी पायाची पट्टी करवून दिली व नागपूरला पुढील उपचारासाठी पाठविण्याचा सल्ला दिला. यावर पठाण यांनी आमदार राजेंद्र जैन यांना सांगून रूग्णवाहिकेची व्यवस्था करवून त्यांना नागपूरला पाठवून दिले. (शहर प्रतिनिधी)