नुकसान झालेल्या धानाला अनुदान देणार

जिल्ह्यात यावर्षी पाऊस कमी झाल्यामुळे २५ टक्के शेतकºयांनी धानाची रोवणी केली नाही. अवकाळी पावसामुळे व वादळामुळे शेतीचे नुकसान झाले आहे.

ठळक मुद्देपालकमंत्री : गोठणगाव येथे धान खरेदी केंद्राचा शुभारंभ

लोकमत न्यूज नेटवर्कगोंदिया : जिल्ह्यात यावर्षी पाऊस कमी झाल्यामुळे २५ टक्के शेतकºयांनी धानाची रोवणी केली नाही. अवकाळी पावसामुळे व वादळामुळे शेतीचे नुकसान झाले आहे. आता तुडतुड्याच्या प्रादुर्भावामुळे धानपीक नष्ट होण्याच्या मार्गावर आहे. अशा परिस्थितीत हवालदील झालेल्या शेतकºयांना धानाची नुकसान भरपाई म्हणून प्रोत्साहन अनुदान देणार असल्याचे प्रतिपादन पालकमंत्री राजकुमार बडोले यांनी केले.अर्जुनी-मोरगाव तालुक्यातील गोठणगाव येथे २८ आॅक्टोबर रोजी आदिवासी विविध कार्यकारी सहकारी संस्थेच्या धान खरेदी केंद्राचे उद्घाटन करतांना पालकमंत्री बडोले बोलत होते.प्रमुख अतिथी म्हणून जि.प.उपाध्यक्ष रचना गहाणे, पं.स.सभापती अरविंद शिवणकर, पं.स.सदस्य अर्चना राऊत, रामलाल मुंगनकर, जिल्हा मध्यवर्ती सहकारी बँकेचे संचालक केवलराम पुस्तोडे, जि.प.माजी सभापती प्रकाश गहाणे, रघुनाथ लांजेवार, उपविभागीय अधिकारी लांडगे, तहसीलदार देवदास बोंबार्डे, गटविकास अधिकारी नारायण जमईवार, आदिवासी महामंडळाचे प्रादेशिक व्यवस्थापक राजुरकर, गोठणगाव सरपंच चांदेवार, प्रतापगडच्या सरपंच इंदू वालदे, सोसायटीचे अध्यक्ष शिबू कोवे, उपाध्यक्ष भोजराम लोगडे, पोलीस पाटील सांगोळे उपस्थित होते.बडोले पुढे म्हणाले, जिल्ह्यात कमी झालेल्या पावसाचा विषय आपण मंत्रीमंडळाच्या बैठकीत मांडला आहे. जिल्ह्यातील दोन वर्षापूर्वीची धान खरेदी केंद्राची स्थिती आणि आजची स्थिती यात फरक आहे. ३ वर्षापूर्वी धान भरडाईसाठी १० रूपये प्रति क्विंटल दर होते आज हेच दर ४० रु पये आहे. पूर्वी सहकारी संस्थांनी खरेदी केलेला धान उघड्यावर पडून राहायचा त्यामुळे धानाचे नुकसान मोठ्या प्रमाणात व्हायचे. आता धान केंद्राच्या अन्न महामंडळाला न देता राज्याच्या अन्न व नागरी पुरवठा विभागाला देतो. धान खरेदी केंद्रावरु न त्याची लवकर उचल करु न त्याची भरडाई करून आपल्या जिल्ह्याचा तांदूळ राज्याच्या कानाकोपºयात स्वस्त धान्य दुकानाच्या माध्यमातून पोहचत आहे. त्यामुळे लाभार्थ्याला चांगला तांदूळ मिळत असल्याचे त्यांनी सांगितले.गोदामाच्या भाड्याचे प्रलंबीत पैसे लवकर देणार असल्याचे सांगत सोसायट्यांकडे स्वत:च्या मालकीची जर जागा असेल तर त्याठिकाणी गोदाम बांधण्यासाठीचा एकत्रीत प्रस्ताव शासनाकडे पाठविण्यात येईल. गोदाम बांधून देण्यासाठी मुख्यमंत्री सकारात्मक आहेत. जिल्हा नियोजन समितीच्या निधीमधून देखील धान ठेवण्यासाठी गोदाम व ओटे बांधून देण्यासाठी आपण प्रयत्नशील असल्याचे त्यांनी सांगितले.जिल्ह्यातील ज्या शेतकºयांच्या धानपिकांचे मोठ्या प्रमाणात नुकसान झाले आहे त्याचे सर्वेक्षण करण्याबाबतचे निर्देश कृषी विभागाला दिले. नुकसान भरपाई देण्यासाठी शासन तयार आहे. राज्य सरकारने आजपर्यंतची सर्वात मोठी कर्जमाफी केली आहे. जिल्ह्यातील एक लाख शेतकºयांनी कर्जमाफीसाठी आॅनलाईन अर्ज भरले आहे. जिल्ह्यातील शेतकरी हे नियमीत कर्ज भरतात, अशा शेतकºयांना कर्जमाफीचा लाभ मिळणार आहे असे त्यांनी सांगितले.गहाणे म्हणाल्या, धानावर येणारी रोगराई आणि धान खरेदी बाबतच्या अडचणी सोडविण्यासाठी शासन प्रयत्नशील आहे. धान पिकावर तुडतुडा या किडीचा मोठ्या प्रमाणात प्रादुर्भाव झाल्यामुळे धान पिकाचे मोठ्या प्रमाणात नुकसान झाले आहे. त्यांना मदत मिळाली पाहिजे. येणाºया दिवसात शेतकºयांच्या समस्या निश्चित मार्गी लागतील असेही त्या म्हणाल्या. प्रारंभी पालकमंत्री बडोले यांच्या हस्ते मधुकर पुस्तोडे या शेतकºयाने खरेदी केंद्रावर आणलेल्या धानाची काट्यावर मोजणी करून धान खरेदीचा शुभारंभ केला. कार्यक्रमाला सोसायटीचे संचालक, सभासद व परिसरातील शेतकरी उपस्थित होते. कार्यक्रमासाठी सोसायटीचे सचिव योगीराज हलमारे, भोदू लोगडे, भोजराम लोगडे, दरवडे यांच्यासह संस्थेच्या अन्य कर्मचारºयांनी सहकार्य केले. प्रास्ताविक राजुरकर यांनी मांडले. आभार हटवार यांनी मानले.