विद्यार्थ्यांना घरपोच शालेय गणवेश वितरण ()

२४ मार्च रोजी कोदामेडी येथील विद्यार्थ्यांना शाळा व्यवस्थापन समितीच्या उपाध्यक्ष अंजुम आरीफ खान यांचे हस्ते गणवेश व मास्क वितरण करण्यात आले. यावेळी शाळा व्यवस्थापन समिती सदस्य शोभा आसाराम लांजेवार,पालक ममीता श्रीकृष्ण लांजेवार, मुख्याध्यापक ए.पी.मेश्राम आणि वर्ग शिक्षक एन.आर.गिरेपुंजे उपस्थित होते. २५ मार्च रोजी वडेगाव येथील इयत्ता पाचवी, सहावीच्या विद्यार्थ्यांना घरपोच शालेय गणवेश व मास्क शाळा व्यवस्थापन समिती अध्यक्ष दिगांबर कोरे यांच्या हस्ते वितरीत करण्यात आले. यावेळी मुख्याध्यापक मेश्राम, शिक्षक एन.आर.गिरेपुंजे आणि पालक यामीणी मुनिश्वर, हेमलता यशवंत मेश्राम व विद्यार्थी उपस्थित होते. मुख्याध्यापक मेश्राम यांनी विद्यार्थी व पालकांशी संवाद साधला व कोरोना काळात घ्यावयाची काळजी याबाबत मार्गदर्शन केले. गिरेपुंजे यांनी शिष्यवृत्ती परीक्षा नवोदय विद्यालय प्रवेश परीक्षेची तयारी, ऑनलाईन अध्ययन यावर मार्गदर्शन केले.