गोंदिया : शेतकरी आंदोलनाला समर्थन करुन पारीत तीन्ही काळया कायदयांच्या विरोधाला घेऊन महाराष्ट्रातील राजकीय व सामाजिक प्रश्नावर वंचित बहुजन आघाडी शुक्रवारी (दि.५) प्रत्येक तालुक्यातील तहसील कार्यालयासमोर धरणे आंदोलन करणार आहे अशी माहिती वंचित बहुजन आघाडीचे जिल्हाध्यक्ष सतिश बन्सोड यांनी दिली.
येथील शासकीय विश्रामगृहात आयोजित पत्रपरिषदेत ते बोलत होते. याप्रसंगी शेतकरी आंदोलनाला समर्थन करुन पारीत तिन्ही काळया कायदयांचा विरोध, कोरोनाच्या नावावर चाललेल्या प्रशासकिय धोरणाचा निषेध करुन कष्टकरी, मजूर व शेतकऱ्यांच्या रोजगाराची व्यवस्था करण्यात यावी, जि.प. व पं.स. निवडणुका स्वबळावर आणि पूर्ण जागांवर लढण्याची तयारी वंचित बहुजन आघाडीने केली असल्याचे त्यांनी सांगीतले. सर्व स्तरातील संघटनेच्या शाखा बांधणीचा कार्यक्रम वंचित समाजास जोडने ही कार्यप्रणाली राबविणार आहोत. गाव तेथे शाखा हे उदिष्ट ठेवण्यात आले आहे, बिरसी विमानतळ परिसरातील अतिक्रमणधारकांवर झालेला अन्याय दूर करण्यात यावा, विमानतळ परिसरात कार्य करणाऱ्या सुरक्षा कर्मचाऱ्यांना पुन्हा कामावर घ्यावे, शेतकरी, शेतमजूर, विद्यार्थी, कर्मचाऱ्यांच्या प्रश्नावर आंदोलनात सहभाग घेणे, वाढत असलेली महागाई, पेट्रोल-डिझेल, गॅस मुल्यवृध्दी विरोधात आंदाेलन करण्यात येणार असल्याचे त्यांनी सांगितले. यावेळी राजू राहूलकर, एस.डी. महाजन, विनोद मेश्राम, प्रकाश डोंगरे, प्यारेलाल जांभूळकर, विनोद मेश्राम, सिध्दार्थ हुमने, प्रफुल्ल लांजेवार, वामन मेश्राम, जवीन खोब्रागडे व इतर उपस्थित होते.