गावकऱ्यांची डिझेल पंपची मागणी

भारत पेट्रोलियम कॉर्पोरेशन व्दारे संचालित तालुक्यातील एकमात्र डिझेल पंपमध्ये नेहमीच डिझेलचा तुटवडा होत असल्याने देवरी व तालुक्यातील इतर गावातील लोकांना याचा त्रास सहन करावा लागत आहे.

देवरी : भारत पेट्रोलियम कॉर्पोरेशन व्दारे संचालित तालुक्यातील एकमात्र डिझेल पंपमध्ये नेहमीच डिझेलचा तुटवडा होत असल्याने देवरी व तालुक्यातील इतर गावातील लोकांना याचा त्रास सहन करावा लागत आहे. देवरी हे तालुक्यातील महत्वाचे ठिकाण आहे. येथे भारत पेट्रोलियमचे एस.आर. मोदी हे डिझेलचे डिलर असून यांच्याव्दारे संचालित एकमात्र डिझेल पंप आहे. कंपनीच्या दुर्लक्षतेमुळे या पंपावर नेहमीच डिझेल पेट्रोल नाही अशी पाटी लागलेली दिसते. शहरात दुसरे एक पेट्रोल पंप असून त्यात केवळ पेट्रोल मिळते.डिझेलसाठी तालुक्यातील हजारो ग्राहकांना एस.आर. मोदी यांच्या पंपावर निर्भर राहावे लागते. परंतु नेहमीच या पंपावर डिझेल मिळत नसल्याने वाहन धारकांना १० किमीवरून डिझेल आणावे लागते. त्यामुळे वाहन धारकांना १० किमीवरून डिझेल आणावे लागत असल्याने त्यांना अधिकचा आर्थिक फटका बसतो. त्यामुळे वाहन धारकांमध्ये या पंपचालकाविरूध्द असंतोष निर्माण झाला आहे. विशेष म्हणजे देवरी शहर हे राष्ट्रीय महामार्ग क्रमांक ६ वर वसलेले आहे. या ठिकाणावरून दररोज हजारो वाहने ये-जा करीत असतात.देवरी तालुक्यात ट्रक, जीप, कार व ट्रॅक्टर जे डिझेलवर चालणारी वाहने आहेत. त्यांची संख्या हजारोच्या वर आहेत. या वाहनांना वेळेवर डिझेल मिळत नसल्याने वाहनांवर आधारीत व्यवसाय करणाऱ्यांना आपली वाहने उभी ठेवावी लागतात. ज्यामुळे त्यांच्या व्यवसायावर याचा विपरीत परिणाम होत आहे. वारंवार पंप संचालकाव्दारे डिझेलचा तुटवडा दर्शवून पेट्रोल-डिझेल नाही याची पाटी लावण्यात येत असल्याची तक्रार गावकऱ्यांनी येथील प्रशासनीक अधिकाऱ्यांना केली आहे. परंतु या प्रकाराकडे अधिकारी सुध्दा या समस्येकडे दुर्लक्ष करीत आहेत. गावकऱ्यांनी शहरात दुसऱ्या डिझेल पंपची मागणी केली आहे. दुसरे डिझेल पंप सुरू न झाल्यास तिव्र आंदोलन छेडण्याचा इशारा देण्यात आला आहे.